حمود المزيني
09-08-2007, 12:31 AM
كلش يهون الا هوى فيه حرمان
يغريك لكن مالك الا عذابه
مالك دليل وصاحبك دون عنوان
والشوق ماتطفي لظاه الكتابه
ذاب الطموح ولاحصل شف الاعيان
الجيد الاوضح مع سواد الذوابه
ولايروي اللي مر له عام عطشان
الا يكون المي حسوة شرابه
واللي لخلٍ واحدٍ بس شفقان
مايسعده ياغير حضرة جنابه
اهبي قلوبٍ له منافذ وبيبان
من جا دخل لو في رجوله رطابه
مشاعرٍ ترهم على كل ميزان
من بدله كنه يبدل ثيابه
كم مرة نادى من الحب غرقان
ويديه في بطحا يهايل ترابه
مرحوم ياللي مع عنى الوجد سهران
حناه خله حنو قوس الربابه
ياعبرةٍ بالصدر تشبه لبركان
مع زفرته مع شهقته وانتحابه
على الذي حاشاه ماهو بغلطان
اسمى المبادي جت بداية عتابه
فرصه سعيده طلتك ها المسيان
تجلي عن الصدر الحزين الكآبه
وقلبي ليا لمستْه كفٍ بتحنان
لو قلت هات القلب بيديه جابه
والعمر مايسوى حسايف وخسران
ايام واكثرها قضت مادرى به
رغم الألم ساعة أمل تكفي الشان
وشرواك أغلى بالحياة اكتسابه
والقلب في غربه سكن كل الاوطان
وادمن مع الايام طول اغترابه
يغريك لكن مالك الا عذابه
مالك دليل وصاحبك دون عنوان
والشوق ماتطفي لظاه الكتابه
ذاب الطموح ولاحصل شف الاعيان
الجيد الاوضح مع سواد الذوابه
ولايروي اللي مر له عام عطشان
الا يكون المي حسوة شرابه
واللي لخلٍ واحدٍ بس شفقان
مايسعده ياغير حضرة جنابه
اهبي قلوبٍ له منافذ وبيبان
من جا دخل لو في رجوله رطابه
مشاعرٍ ترهم على كل ميزان
من بدله كنه يبدل ثيابه
كم مرة نادى من الحب غرقان
ويديه في بطحا يهايل ترابه
مرحوم ياللي مع عنى الوجد سهران
حناه خله حنو قوس الربابه
ياعبرةٍ بالصدر تشبه لبركان
مع زفرته مع شهقته وانتحابه
على الذي حاشاه ماهو بغلطان
اسمى المبادي جت بداية عتابه
فرصه سعيده طلتك ها المسيان
تجلي عن الصدر الحزين الكآبه
وقلبي ليا لمستْه كفٍ بتحنان
لو قلت هات القلب بيديه جابه
والعمر مايسوى حسايف وخسران
ايام واكثرها قضت مادرى به
رغم الألم ساعة أمل تكفي الشان
وشرواك أغلى بالحياة اكتسابه
والقلب في غربه سكن كل الاوطان
وادمن مع الايام طول اغترابه