♥←•[ رز وجريش ومن غير مثلوثة مستحيل اعيش ]•→♥

[الدبة المملوحة]

http://sr9sr.com/up/uploads/5f9a50e6b8.gif

المثلوثه هي عبارة عنبادية مكونه من ثلاث طبقات
طبقة جريش
وطبقه قرصان
وطبقة أرز

راح نشرح كل طبقه كيف راح نسويها

المقادير الجريش

كأسين حب جريش
2ونص لتر لبن مطلعينه من الليل برى عشان ترتفع الحموضه فيه
واذا كانت قاضية مدة صلاحية يكون احسن ):(
ماجي
قليل الملح
ملعقة صغيرة كمون
2 بصل مفروم ناعم

مقادير القرصان

قرع <<يفضل القرع الامريكي :yes:
جزر مكعبات
كوسا
كيش خضار مشكله
طماطم مطعبات
بصل مفروم
ليمون اسود
ماجي
فلفل اسود
كرتون قرصان
سمن فارم او سمن بري
صلصه
دجاجه مقطعه نصين

الطريقه

أول شئ نعمل الجريش
نجيب القدر ونحط شويه زيت وبعدين البصل ونحمسه على نار خفيفه لأنه مانبغى البصل يتغير لونه
بس يلين ونضيف الماجي والكمون بعدين نضيف اللبن ونظل نحرك عشان ما يفصل اللبن معانا ونظل نحرك حتى
يصل لمرحلة الغليان نضيف الجريش المغسول ونظلنا نحرك حتى يثقل المزيج
يعني تصيرين تشوفين حبات الجريش
تبان من فوق هنا خففي النار مرررررة هادئه وحطي قطعة حديده دائرية تحت القدر وغطيها بالقصدير
وأتركيه يطبخ لمده 3 الى اربع ساعات او اكثر على حسب نوع الجريش
وبعد مرور الوقت فكي الغطاء والقصدير وأضربي الجريش بمضرب خشب وخليه على جنب

الحين نعمل المرق حق القرصان
احمسي البصل مع الماجي والبهارات الي عندك تستخدمينها للمرق وبعدين أضيفي الدجاج والماء وأتركيه يغلي
الي ان تستوي الدجاجه
بعدين أرفعي الدجاجه وحطيه على جنب الحين
المرق الي صار عندنا نقسمه نصين
كل واحد بقدر
قدر راح نضيف له الخضرة الي عندنا المقطعه والصلصه والطماط ونخليه يطبخ الي ان تستوي الخضرة
والقدر الثاني نضيف له الارز ونسوي الارز
ونراعي طبعا كميه الماء لأننا راح نظيف زياده ماء ونضيف شوية ملح
بعد ما يستوي المرق
نجيب القرصان ونحطه بقدر كبير عشان نقدر نقلبه ونحط له المرق فوقه بدون الخضرة
ونخليه فترة عشان يتشرب المرق الي فيه
الحين نسوي كشنه بصل عادي ومكسرات محموسه
نأخذ نص من الحشو ونضيفه للقرصان
نحمر الدجاجه بالفرن بعد مانمسحها بخليط مكون من زيت وشويه كركم وفلفل اسود وملح وصلصه
الحين جينا لطريقة التقديم

أول شئ نحط طبقة الجريش

http://sr9sr.com/up/uploads/9221383f01.jpg




ثاني شئ نحط القرصان الي رشيناه بالمرق وشويه من حشوا البصل ونحط الخضرة الي كانت بالقدر



http://sr9sr.com/up/uploads/a0ecee5ac9.jpg




همن نحط الارز



http://sr9sr.com/up/uploads/8b659e06fa.jpg


وبعدين فوقه نصف ا لدجاج ونحط الحشو البصل والمكسرات ونزينه
ونرش فوقه سمن بلدي


http://sr9sr.com/up/uploads/4c55e95da4.jpg




و بس :inlove:


منقول :)

[الغلا كله]

؛


عز الله راح الريجيم ملح .. :clapping:

هذا كله طبق واحد .. :w00t:

أول مره اعرف عنه ..

احنا ناكل الجريش بروحه :evilgrin:

والرز بروحه ..

والقرصان ما أعرفه .. :taunt:

يعطيك العافيه دبتنا :mnoker:

[يـــارا]

http://sr9sr.com/up/uploads/4c55e95da4.jpg

حرام عليك
منك لله
>> جوعانه


يعطيك العافية
:)

[مـعـاتـبــ]

هلا هلا هلا وغلا

عز الله انك سنعه يامال الكفو

هذا الشغل والا بلاش يالشحنه

[noor]

شغل عدل بدل
بس يالدبا الجريش وراه تكشنين وتحركين

اقولك جريشي كيف
اول شي قطعي بصل وارجمي بالقدر
ورشي ملح وكمون ونص دجاجه عادي لو بثلجها
ثم حطي اللبن والجريش وغطيه بالماء
غالبا كل كاس جريش يحط له ثلاث كاسات ماء
وغطيهن لو مابدا يغلي على نار اقل من هاديه لمدة لاتقل عن 4 ساعات
ثم تعالي شوفي الخخخخخخخخخخقه وووه

.
القرصان احبها بس مابعد فكرت اسويها عندي اختي فنانه فيها

الرز مايحتاج ):(

ومثل الغلا اكل كل شي لحاله ماحب اثولثهم ):(

[ابوشدق]

العضيد متى تبي نطبقه

الله يعافيتس يالشحنه

[روحـ الكتمانـ]

روعه
يعطيتس العااااافيه يالغاليه ..

[الدبة المملوحة]

؛


عز الله راح الريجيم ملح .. :clapping:

هذا كله طبق واحد .. :w00t:

أول مره اعرف عنه ..

احنا ناكل الجريش بروحه :evilgrin:

والرز بروحه ..

والقرصان ما أعرفه .. :taunt:

يعطيك العافيه دبتنا :mnoker:

هذي الطبق المفضل عندنا :0q1s33:

حياك الله غلاي :119:

[! ليه يادنيا !]

يممممممممي


جوعتيني والله

بس عاد شغلته شغله

تسلم ايدك خيتووو

[عناقيد الضياء]

http://sr9sr.com/up/uploads/4c55e95da4.jpg


وش دعوى رفقاً بالقوارير يالدبا

وش هالحركات بصراحة شي

يامال العافية