جنط السفينة منقذ الامه العربية ( تم ترميمه )

[د. جنط السفينة]

بسم الله الرحمن الرحيم


http://www.aboshdg.com/topupload/users/gnt/Recovered_JPEG_1240.jpg


ياراكبن من عندنا جمس احمر .................. جمس جديد ولا وطته المكده




صبحكم الله بالخير ايها المقلعين


القصة متعوب عليه طويلة شوي بس تستاهل القرايه اذا كنت مستعجل خزنه وارجع له بعدين

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ







ضاق صدري هاك اليوم قلت مالك الا صديق العمر الصديق الوفي علي ابو رجل مسلوخة المهم واتصل عليه


قلت : ألو السلام عليكم كيف الحال اخباركم


قال : طيبين وينك يالشين


قلت : ما انت بعاقل يا نجوى كرم <<<<<<< يا قدمه


قال : وينك


قلت : بالبيت


قال : ابمرك بعد شوي ضروري طوط طوط طوط .....



عشر دقايق الا شربكة التسعاوي نسمعه من آخر الشارع واطلع له والقى التسعاوي موقف والمبة الحمرا حقت السقف مولعه المهم واركب واصكه بقس


قلت : شايفنا ورعان يومك تشربك عشان نطلع لك


قال: وش فيك متعودين على كذا


قلت : المهم وش المصيبة الي انت ناوي تسويه اليوم


قال : ابد بنوصل رفيزي (رفيقي) قرقيز المملوح


قلت : وشو ذا بعد وين ساكن


قال : بيعجبك وساكن في منفوحة


قلت: نزلني الله يرحم والديك



قال : ليه


قلت : احسبك تبي تقول رفقي اسمه وليد وساكن بالمحمدية والا النخيل طلع قرقيز وساكن في منفوحه



قال : يا رجال اهم شي الاخلاق <<<<<<< هذي تصريفة بعض السحالي اذا جاء طاري الجمال



المهم اقتنعت وبعدين انا متعود على الجريات

مسكنا الدايري همن طريق الامير خريص (سالفة طريق الامير خريص حسب ماذكروه المؤرخين هي كالتالي :يقولون مصري عاش في السعودية ثلاث سنين ويوم رجع لمصر قالوا له اهله وش شفت بالسعودية قال : حاgات (حاجات بالمصري واسألوا عنها سونونو) كتيره متل طريأ (طريق) الملك فهد واستاد الملك فهد وشارع الا مير عبدالله وشارع الامير خريص وgمعة (جامعة)الملك سعود) بعذر الضعيف انلحس مخه



المهم ويمسكبنا طريق الملك فهد همن دخلبنا بهاك الحارات الي الله لايوريكم تسنك بالبرازيل ومن داعوس لداعوس وماتشوف عينك الا هالتكرن متكين في كل زاوية الي لابسن فنيلة الاتهاد (الاتحاد) والي لابسن فنيلة عليه صورة بوب مارلي المهم مشى لين وصلنا هاك البيت الي شكله من برا يقول بي مخدرات داهمون يالحكومه
شربك علي الا ويطلع هاك التكروني






http://www.aboshdg.com/topupload/users/gnt/Recovered_JPEG_500.jpg



قرقيز المملوح في صوره وهو يتيميلح





قال : مرهبا هياك الله من هذا يا ألي (علي ) ماقلنا لا تجيب لنا الشبهه

قلت انا بنفسي هذا لو يشوف وجهه بالمرايه تسان عرف منين تجيهم الشبهه


قال علي : لا تخاف هذا خوينا جنط السفينة الي حتسيت لك عنه

قال قرقيز : مرهبا والله اهلين يا استاذ جنط <<<< سوالي دبلوماسي
اقطوا هياكم الله



المهم ونقلط الا وش تشوف عينك يا جنط ......... لمبة صفرا والنور خافت و عود معلق بالجدار وطيران طايحات بالارض وثلاثة تكرن متكين يوم شفتهم تذكرت محمد السليم يوم يقول :



في شارع المرقب ... حرمت انا ما اقرب
اشكاهم ترعب... في حيهم ما دور



المهم تكينا شوي والصراحه معهم واحد فله زاحف من جد عليه ذبات وحشات زاحفه اسمه( فرج فراوله) قلت فرصه اخليه يسجل في أبوشدق ويزحف بنا شوي



قلت : تدخل على النت



قال : وشو النت ذا


قلت : ما تعرف النت !!!!


قال : وشو . . . يوكل يعني



قلت : لا ابد طال عمرك هذي ديرتن لامنك تعديت صلبوخ تجيك على اليمين



قال : والله الاسم مارن علي




http://www.aboshdg.com/topupload/users/gnt/323%20(1).jpg



فرج فراوله فاقن خشته بعد احد الذبات الزاحفة



المهم وحنا نتجاذب اطراف الحديد <<<<<<<<< يمديك يا ابونديم على نتجاذب

وحنا قاعدين نتجاذب اطراف الحديث الا ويدق جوالي ويقطع شفت الرقم ما اعرفه وتركته ويدق مره ثانية واسهج ابوه ويدق ثالثة قلت انا يا هذا بنت غلطانه والا واحدن يبي حبوب دق يا جنط انت المستفيد بالحاتين وادق عليه ويرد علي واحد مصري



قلت : داقن علي يالحبيب


قال : ايوه ياباشه


قلت : وش تبي


قال : انتا الاستاز المحترم gنط (جنط) السفينة


قلت : ايه اخلص وش تبي


قال : وحياة ربنا عاوزينك بحاgهـ مهمه


قلت : مهمه وانا مايجتمعن دور غيره يالحبيب وبعدين من الي عاوزينن


قال :الي عاوزينك الامة العربيه وعاوزينك بحاgه تحدد مصير الامه كلتها


قلت : وانت الاخ الامة العربيه


قال : لا يا باشه انا عمرو موسى


قلت : الي يطلع بالتلفزيون


قال : ايوه


قلت : تستهبل انت ووجهك شكلكم تسوون الكميرا الخفية


قال : مفش كميرات المسأله بgد خطيره ومفش حد يحلها الا انت يا فندم



قلت : وش السالفة عسى ما شر تبون حبوب والا شي


قال : المسأله باختصار ان اولمرت ابن الكلب عاوز يضرب العرب وانا لسى طالع من اgتماع الرؤساء العرب وكلهم وفأوا (وافقوا) على ترشيحك لقيادت المفاوضات مع الي ما يتسماش ده



قلت : يالحبيب حدي مضاربات في النسيم واذا تهورنا وصلنا الشفا اوالدخل أما تبي تدخلنا بمشاكل مع ذا العرابجه الي ما عندهم لعب



قال: يا باشه انتا أدها وأدود (قدها وقدود) انتا خايف والا حاgهـ


قلت : لا وش دعوه بس خل ابتصل بصديق


قال : انا مستنيك يا فندم


قلت : ان شاء الله


طوط طوط طوط ...... سكرته والتفت على علي ابورجل مصلوخة

قلت امش برا ابيك يوم طلعنا علمته

السالفة

قال: فرصه العمر يالغبي وافق واشرط عليهم يعطونك كامري لامن رجعت <<<<<<<<<< يلعن ام الطموح الغبي


قلت : بس تروح معي


قال: قدام


اتصلت على صديقي عمرو موسى <<<<<< ثبت نفسه


قلت : ألو السلام عليكم



قال :وعليكم السلام هاه يا باشه


قلت: موافق بس بشرط


قال : أؤمر يا باشه


قلت: لامن رجعت تعطونن كامري


قال : حاضر بس لازم تيgي لمصر في مقر الgمعة العربيه عشان نديك بنود المفاوزات (المفاوضات)


قلت : خلاص


مع السلامة طوط طوط طوط . . . . . واركب اقرب طيارة والقاهرة على طول اول ما نزلت المطار قلت لحق الجماك وين اقرب بار هنا وصف لي ويوم طلعت من صالة القدوم الا ويجيني اثنين طوال عليهم عضلات لابسين اسود ونظارات سوداء وفيه سماعات باذانهم



قالوا : الاستاز gنط



قلت : ايه


قالوا: لازم تروح معنا



الصراحه شكيت بنفسي



قالوا : ماتخفش احنا تبع الاستاز عمرو موسى



ركبت معهم بلنكن اسود ومشوا مسرعين لين وصلنا مقر الجامعة العربيه نزلت الا عمرو موسى بوجهي رحب وهلا وقال gهز نفسك عشان حنخش على الرؤساء العرب وانا ما انا بيمه قاعدن اقزقز بهالموظفات



ربع ساعة وندخل عليهم الا وش اشوف انواع البشكات

حق عُمان ومعمر القذافي (الله يكرمكم) وعبد العزيز بو تفليقه(عساوه للبلكة الي تفلق راسه) وعلي عبدالله صالح يلعبون كيرم ومتهاوشين مع علي لانه سارقن الخمسين الحمار








http://www.aboshdg.com/topupload/users/gnt/Recovered_JPEG_1235.jpg

علي صالح يقول : قسم بالله مالطشناش حاgهـ



وعندك بشار وحسني مبارك و محمد السادس (ابتدائي) وحق البحرين يلعبون بلوت ومعطين ابو شدوق حق قطر




http://www.aboshdg.com/topupload/users/gnt/Recovered_JPEG%20Digital%20Camera_180.jpg


الخمسات والاربعات والثلاثات والجوكر ومستانس قاعد يصففه ويقول اول بس ثاني سرى <<<<<<< مصطلحات بالبلوت ادري ان الشهبان يدرون بس السحالي ما يدرن





http://www.aboshdg.com/topupload/users/gnt/Recovered_JPEG_1236.jpg



حسني مبارك معطينه النشره ويظهر بالصورة وهو يقول باقي بنطين وتقوم



المهم ويسلم عليهم عمرو موسى وينط حق الكويت وحق الامارات قالوا تكفى يا عمرو خله يكملنا نبي نلعب ضومنه


قال بلاش هزار دا الاستاز المحترم gنط السفينة ويفزون كلهم ويسلمون ويجلسون على الطاوله ويبدا الشغل وانتهينا على اني اروح لاسرائيل واتفاوض معهم





http://www.aboshdg.com/topupload/users/gnt/Recovered_JPEG_1239.jpg

المجنون القذافي اثناء الاجتماع على بال امه يبي يقنعن يقول نعطيك جحتن هالكبر



قالوا : يالله جيبوا الطيارة


قلت : لا انا اروح بمعرفتي



قالوا : وشلون



قلت : اروح للرياض وهمن اروح من هناك



قالوا : ليه طيب ماتروح على الطيارة



قلت : ابي عشان يخاوين خويي علي ابو رجل مصلوخة وابروح على جمس ابو نديم هو مواعدن بموضوعي الي بهالفايت



قالوا: مواعدك بأي موضوع



قلت : على هالرابط

..... :biggrin:




ويدخل حسني على الرابط ويلقى كلامي صحيح قالوا يالله على بركة الله






http://www.aboshdg.com/topupload/users/gnt/Recovered_JPEG_1234.jpg

عمرو موسى يقولي ( حبتين)وانا مزفي ابروح للرياض



واروح للرياض وامر علي ابو رجل مصلوخه وهمن مرينا ابو نديم وقهوانا وعطانا الجمس الاحمر حقه كله عشان ينفع امته الله يجزاه خير وهمن مرينا ابوشدز وعطانا شرطان بشير وابن سعيد وبعده رحنا لأنواع القهوة الي بالتخصصي واخذنا كوبتشينو يحبه قلبك ودتس (دك) من هالابيض لما وصلنا تبوك

http://www.66g.com/up/get.php?filename=1155607079.jpg



ابونديم يوادع علي وجنط على طريق القصيم ويقول الله الله ارفزوا على الجمس



ومن بعده نطمر الحد وندخل على اليهود الاهم يحترونن طلع الي مايستحي على وجهه حق قطر معلمهم قلنا حنا جايين نبي انتفاوض معكم مير يودوننا لأولمرت براسه ونجلس على طاولت المفاوضات وخذ اخذ ورد لما اذن العصر <<<<<<<والله من الصدز


طلعنا زعلانين ما اتفقنا على شي وبالزحمه ضاع علي ابو رجل مصلوخة واتلفت ادوره الاه يحتسي مع يهودي بهاك العاير (راجع معجم اللهجه القصيمية) واجيه



قلت: وش السالفه



قال: لا ابد مافيه شي بس تو انهيت مع عويديد (اسم اليهودي) صفقة احبوب من نوع الشبح <<<<<<< تخبرون وانتم ادرى ان الشبح (نوع من الحبوب) تصنعه اسرائيل والي ماهوب خابر يسأل ولد مطير ويعلمه



وانتهت المفاوضات على البنود التاليه





http://www.aboshdg.com/topupload/users/gnt/323.jpg

ملاعين الوالديين بيرييز وأولمرت يقولون لي وانا مدزفي سلم لنا على الي قدامك




^



^




^






^



^



1- نحن قوم اعزنا الله بالاسلام فإن ابتغينا العزة بغيره اذلنا الله (كما هو الواقع)


2-انا وخشتي وانت وخشتك وانتي وخشتس اذا مانصرنا الاسلام من نتوقع ينصره يعني المهايطي معمر القذافي والا ابو شدوق حق قطر








.









.






.