د. جنط السفينة
10-24-2007, 08:08 AM
بسم الله الرحمن الرحيم
http://www.graaam.com/up/Pic10/97c849a918.jpg
باول الليل نبني لنا كبري ××× وآخر الليل لا رحنا ولا جينا
تحذير حكومي
يمنع استخدام المخ في هذا الموضوع منعا باتا لذا اخي القارئ الكريم نرجو منك الاكتفاء
بالمخيخ مؤقتا
مساكم الله بالخير ايها المنطلدزون والمنطلدزات
هالحين اجسامنا منترستن ترس اعضاء ولله الحمد والمنه بس المشكله منا حنا الي مانعرف نستخدم
هالاعضاء الاستخدام الصحيح مثلا شوفوا اليد من منا يستخدمه الاستخدام الامثل والمشهور ان اهم
الاغراض الي تستخدم بهن اليد هي كالتالي :
1- التصطير
2- اكل الكبسه
3- لعب البليستيشن والكيرم
4- واذا صار عندك شي مهم تقعد تطقطق اصابعك ايقالك قلقان زي الي بالمسلسلات
هالحين انت شف انت تستخدم اليد صح والا لا
مع الاسف ان اكثرنا مضيعن هالطاقات وانا هالحين اسألك بالله متى اخر مرة فتحت درج الطاوله الي
تحت باصبع رجلك الدبي تبي تقول من مبطي وابقول خابر يالتنكه
الاصبع الدبي حق الرجل طاقه مهدره بين افراد الشعب ولا احد يعرف يستخدمه مع الاسف المهم الي
جاب هالسالفه اني اليوم الظهر قاعدن اصلح اصبع البطاريه حق سيارتي وقعدت ادور مفتاح اربع طعش
ولا لقيت جيت فتحت شنطة السيارة ويوم فتحت شنطة العدة والقى به مخ مغبر قلت منهو مخه ذا واناظره
الاه مارن علي بس ما ادري وين شفته واروح ادخل البيت واسأل اخواني من فاقدن له مخ طلعوا كلهم
مافقدوا شي واجي وادق على علي ابورجل مسلوخه واسأله قال لا والله مخي حاطه تحت فرشة غرفتي
قلت منهو مخه واجي اروح للمرايه قلت ابويدز بجمجمتي وتخبرونه انتم مشققه مع كل جهه يوم ودزت
الا مخي ماهوب فيه واتذكر الاي كاتبن ذكريات على مخي وانا ادزلب المخ الي بيدي الا عليه نفس
الذكريات طلع المخ مخي اثري ناسيه لي سبعة اشهر بشنطة السيارة وانا اروح واغسله واركبه
واول ماركبته واقعد افكر << متحمس مخي
المهم اني جلست اتأمل الكون وافكر وفكرت باشياء كثيرة بس ابعرض عليكم هالحين بعض التساؤلات
الي طلعت من هالتفكر وهالتساؤلات شطبت راسي اثناء عمليه التفكير
1
اول مافكرت به دوله اسمه الصين نعنبوا حيهم قاهرينن قهر تصدقون عاد عدد السكان مليار وميتين مليون
وعجزينن لا يطلعون احدعش لاعب يلعبون كورة مثل الناس تصدقون منتخبهم ادج من منتخبنا الي
نصه سينقاليه
المهم السؤال
وراهم عجزوا لا يطلعون احدعش لاعب ؟
يعني معقوله مالقوا مع ان الهند اقل منهم سكان ومع تسذا فازوا بكاس العالم ست مرات
http://www.graaam.com/up/Pic10/3d52546a4b.jpg
صورة من المبارة النهائيه لكاس العالم 2006 التي فاز بها المنتخب الهندي
***************************
2
اكاليوم قاعدينن بالاستراحه نلعب بلوت والبلوت لازم يصير عدد الي يلعبونه اربعه والا مايقدرون يلعبون
وحنا هاك اليوم مجموعتين الي يلعبون قلت ابحسب عددنا كم نطلع واجي اسوي هالعمليه الحسابيه
4 رجال + 4 رجال = 6 رجال
انا ما اقتنعت واجي اعيد العمليه لأني اذكر استاد اسماعيل طحينيه (مدرسنا بثاني ابتدائي )قال غير
هالجواب واجي اعيد المسأله مير يطلع نفس الناتج واقعد العن استاد اسماعيل واقول كل هالسنين
ضاحكن علينا واخر شي يطلع الناتج غير الي يقول المهم واعيد المسأله عشرين مرة ويطلع
نفس الناتج واقعد افكر شوي قلت يمكن المشكله بعلامة الزايد قلت ابغير شكل المسأله واجي اعيده
بس بشكل جديد
4 × 10 × 100 - 3800 ÷ 5 ÷ 2 - 12 = 6
يوم طلع الناتج تسذا مير تقفل معي واشقق الورقه واقعد العن على استاد اسماعيل
السؤال
وراه يطلع الناتج تسذا ؟
***************************
3
هالحين لافتحت صندوق الكتابه بقصيمي نت تلقى خيار اسمه الابتسامات همن لاخترته طلع كل
الايقونات الي يصيح والا يكفخ له واحد والي مستحي
السؤال الي شب تسبدي
وراه ادارة قصيمي نت تضحك علينا وتقول به بذا ابتسامات واخر شي يطلع حتسيهم تسذب ؟
***************************
4
ملعون ابو الرقبه نيوتن قريح طلع يتسذب علينا هو الثاني تسننا ناقصينه كل هالسنين ندرس
الجاذبيه ومالجاذبيه والتفاحه طاحت من الشجرة والتفاحه ماطاحت من الشجرة واخر شي يطلع
تسذب بتسذب تبي تقولون وش دراك ابقولوكم اني اكاليوم منسدح مير تطيح تفاحه بس ماطاحت على
تحت طاحت على فوق هالحتسي شوف عيني يعني طلع قانونه تسذبي ماهوب صحيح
السؤال
وراه طاحت التفاحه فوق ؟
8
8
8
8
بعد التفكير والتفكير عرفت حل بعض التساؤلات
مثل وش السبب الي خلان اشوف التفاحه تطيح فوق
الجواب
لأني كنت منسدح على الجدار والشجرة تحتي
***********
وبعد وراه يطلع الناتج سته
لأن المسأله تقول
4 رجال + 4 رجال = 6 رجال
الجواب
طلع معنا بالمجلس اثنين رخوم يعني ماهم رجال
*************
طيب فيه مسأله تشبه هالمسأله اتحدى الي يحله
4 اشخاص + 4 اشخاص = 10 اشخاص
وشلون ؟
اتحدى الي يعرف الجواب
على فكرة له جائزة
***********************************
كتبت هالموضوع من الجمجمه للكيبورد بدون تحضير وابوهتون يشهد
عشان تسذا اعذرونا على التقصير
دمتم باحلى ابتسامه
اخوكم العبقري جنط
(q31)
.
http://www.graaam.com/up/Pic10/97c849a918.jpg
باول الليل نبني لنا كبري ××× وآخر الليل لا رحنا ولا جينا
تحذير حكومي
يمنع استخدام المخ في هذا الموضوع منعا باتا لذا اخي القارئ الكريم نرجو منك الاكتفاء
بالمخيخ مؤقتا
مساكم الله بالخير ايها المنطلدزون والمنطلدزات
هالحين اجسامنا منترستن ترس اعضاء ولله الحمد والمنه بس المشكله منا حنا الي مانعرف نستخدم
هالاعضاء الاستخدام الصحيح مثلا شوفوا اليد من منا يستخدمه الاستخدام الامثل والمشهور ان اهم
الاغراض الي تستخدم بهن اليد هي كالتالي :
1- التصطير
2- اكل الكبسه
3- لعب البليستيشن والكيرم
4- واذا صار عندك شي مهم تقعد تطقطق اصابعك ايقالك قلقان زي الي بالمسلسلات
هالحين انت شف انت تستخدم اليد صح والا لا
مع الاسف ان اكثرنا مضيعن هالطاقات وانا هالحين اسألك بالله متى اخر مرة فتحت درج الطاوله الي
تحت باصبع رجلك الدبي تبي تقول من مبطي وابقول خابر يالتنكه
الاصبع الدبي حق الرجل طاقه مهدره بين افراد الشعب ولا احد يعرف يستخدمه مع الاسف المهم الي
جاب هالسالفه اني اليوم الظهر قاعدن اصلح اصبع البطاريه حق سيارتي وقعدت ادور مفتاح اربع طعش
ولا لقيت جيت فتحت شنطة السيارة ويوم فتحت شنطة العدة والقى به مخ مغبر قلت منهو مخه ذا واناظره
الاه مارن علي بس ما ادري وين شفته واروح ادخل البيت واسأل اخواني من فاقدن له مخ طلعوا كلهم
مافقدوا شي واجي وادق على علي ابورجل مسلوخه واسأله قال لا والله مخي حاطه تحت فرشة غرفتي
قلت منهو مخه واجي اروح للمرايه قلت ابويدز بجمجمتي وتخبرونه انتم مشققه مع كل جهه يوم ودزت
الا مخي ماهوب فيه واتذكر الاي كاتبن ذكريات على مخي وانا ادزلب المخ الي بيدي الا عليه نفس
الذكريات طلع المخ مخي اثري ناسيه لي سبعة اشهر بشنطة السيارة وانا اروح واغسله واركبه
واول ماركبته واقعد افكر << متحمس مخي
المهم اني جلست اتأمل الكون وافكر وفكرت باشياء كثيرة بس ابعرض عليكم هالحين بعض التساؤلات
الي طلعت من هالتفكر وهالتساؤلات شطبت راسي اثناء عمليه التفكير
1
اول مافكرت به دوله اسمه الصين نعنبوا حيهم قاهرينن قهر تصدقون عاد عدد السكان مليار وميتين مليون
وعجزينن لا يطلعون احدعش لاعب يلعبون كورة مثل الناس تصدقون منتخبهم ادج من منتخبنا الي
نصه سينقاليه
المهم السؤال
وراهم عجزوا لا يطلعون احدعش لاعب ؟
يعني معقوله مالقوا مع ان الهند اقل منهم سكان ومع تسذا فازوا بكاس العالم ست مرات
http://www.graaam.com/up/Pic10/3d52546a4b.jpg
صورة من المبارة النهائيه لكاس العالم 2006 التي فاز بها المنتخب الهندي
***************************
2
اكاليوم قاعدينن بالاستراحه نلعب بلوت والبلوت لازم يصير عدد الي يلعبونه اربعه والا مايقدرون يلعبون
وحنا هاك اليوم مجموعتين الي يلعبون قلت ابحسب عددنا كم نطلع واجي اسوي هالعمليه الحسابيه
4 رجال + 4 رجال = 6 رجال
انا ما اقتنعت واجي اعيد العمليه لأني اذكر استاد اسماعيل طحينيه (مدرسنا بثاني ابتدائي )قال غير
هالجواب واجي اعيد المسأله مير يطلع نفس الناتج واقعد العن استاد اسماعيل واقول كل هالسنين
ضاحكن علينا واخر شي يطلع الناتج غير الي يقول المهم واعيد المسأله عشرين مرة ويطلع
نفس الناتج واقعد افكر شوي قلت يمكن المشكله بعلامة الزايد قلت ابغير شكل المسأله واجي اعيده
بس بشكل جديد
4 × 10 × 100 - 3800 ÷ 5 ÷ 2 - 12 = 6
يوم طلع الناتج تسذا مير تقفل معي واشقق الورقه واقعد العن على استاد اسماعيل
السؤال
وراه يطلع الناتج تسذا ؟
***************************
3
هالحين لافتحت صندوق الكتابه بقصيمي نت تلقى خيار اسمه الابتسامات همن لاخترته طلع كل
الايقونات الي يصيح والا يكفخ له واحد والي مستحي
السؤال الي شب تسبدي
وراه ادارة قصيمي نت تضحك علينا وتقول به بذا ابتسامات واخر شي يطلع حتسيهم تسذب ؟
***************************
4
ملعون ابو الرقبه نيوتن قريح طلع يتسذب علينا هو الثاني تسننا ناقصينه كل هالسنين ندرس
الجاذبيه ومالجاذبيه والتفاحه طاحت من الشجرة والتفاحه ماطاحت من الشجرة واخر شي يطلع
تسذب بتسذب تبي تقولون وش دراك ابقولوكم اني اكاليوم منسدح مير تطيح تفاحه بس ماطاحت على
تحت طاحت على فوق هالحتسي شوف عيني يعني طلع قانونه تسذبي ماهوب صحيح
السؤال
وراه طاحت التفاحه فوق ؟
8
8
8
8
بعد التفكير والتفكير عرفت حل بعض التساؤلات
مثل وش السبب الي خلان اشوف التفاحه تطيح فوق
الجواب
لأني كنت منسدح على الجدار والشجرة تحتي
***********
وبعد وراه يطلع الناتج سته
لأن المسأله تقول
4 رجال + 4 رجال = 6 رجال
الجواب
طلع معنا بالمجلس اثنين رخوم يعني ماهم رجال
*************
طيب فيه مسأله تشبه هالمسأله اتحدى الي يحله
4 اشخاص + 4 اشخاص = 10 اشخاص
وشلون ؟
اتحدى الي يعرف الجواب
على فكرة له جائزة
***********************************
كتبت هالموضوع من الجمجمه للكيبورد بدون تحضير وابوهتون يشهد
عشان تسذا اعذرونا على التقصير
دمتم باحلى ابتسامه
اخوكم العبقري جنط
(q31)
.