القحشه بريال القحشه بريال >>> منوعات خذ وخل <<< القحشه بريال القحشه بريال

[د. جنط السفينة]

[






السلام عليكم ورحمة الله وبركاته






http://www.graaam.com/up/Pic6/f9ddcfb90f.jpg




قال نابليون بانوبرط : ( يومننا نحارب هاك السنه لاجاء اخرالليل وانا ضايقن صدري جبت الاب توب ودخلت المنتدى الترفيهي بمنتديات أبوشدق ووسعت صدري همن لا استاسع صدري بديت
اهيجن لما يذن التالي . . .) مذكرات نابليون بانوبرط صفحه 9427


مساكم الله بالخير أيها المقلعون والمقلعات



قبل القرايه :
1-تسانك زعول دق ريوس ولا تكمل تراي اليوم مانيب مخلين احد بحش الجميع مير انت وسع صدرك
وتذكر اننا اخوان والقصد كله زرع الابتسامه على براطم الاعضاء والزوار الزعل مرفوضن رفضاً قاطعاً <<<< قاطعن شارع الستين


2-نبي نغض الطرف عن سونونو ولا تحسبوننا ناسينه بس لما تطلع نتايج المسابقة


3-اذا كان معنا في المنتدى اعضاء اسماؤهم كالتالي (المولع والا سامر والا وليد) فهذا اعتذار مقدم لهم وآسف جدا على استخدام اسمائكم في موضوعي




هالموضوع اهداء خاص للغايب عن المنتدى الحاضر في اذهاننا اخي وعزيزي
جروح موادع

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ





يوم الجمعه الي راح نزلت موضوع الساعة الظاهر تسع ونص بالليل ومن يوم
نزلته وينحاس المنتدى ويجيه بلا مدري وشو ولا نقدر نرد ولا انتصفح ويقولون

وبراي لله وادخل على الله ( عاد هذي منين نجيب له صوره بس انت الله

لا يهينك تخيل ان واحد ماسكن زراراته الي فوق وينفخ بصدره ويقول ادخل على

الله وتسان ما انت متخيل فبكيفك انت الخسران ) المهم يقولون ان زعبور له


طرف بالموضوع والدليل انه متغبي له مده ما اوحينا له حس عاد الي قهرن


انه بهاك الحزة و المنتدى حوسه اسأل علوش

واقول وش السالفه


ويقول مدري وش طاعونه ابروح انام

عاد ذا حتسي مشرف بالله عليكم يوم جاء وقت الشده هج

وانا لولاي اخاف باتسر تلقون تحت اسمي مكتوب (مطرود)تسان قلت حتسين

ماينقال بس الخوف هو الي يردن والا ماهنا ضمير الضمير ميتن هاك السنه


حتى اني احب اكتب مواضيع سياسيه كله ذبات على الزلايب حكام العرب بس

الي يردن الخوف والا تسان وريتكم وش اسوي بهم

اخاف باتسر انزل موضوع همن ما ادري الا الطواري بنص صالة بيتنا همن يفقعون وجهي وياخذونن

اتمشى بمنتزه الحاير واقعد لي سنتين هناك وقبل ما اطلع يفرمتون مخي عاد

مشكله كل شي انا حافظه بالسي حق مخي ولا حفظت شي بالدي كل ماجيت

ابنقل المعلومات من السي للدي هنق مخي وكل يومن اقول باتسر ابركب النيرو

همن انسى وعاد لافرمتون الجماعة فرمتتهم غير شكل والله ان تروح المعلومات


كله ولا اطلق برنامج استعادة المحذوفات يقدر يرجعه ولا حتى

(Recover My Files)

المهم اجيكم باتسر ناسي اني الجنط وناسين كل الاعضاء واسجل معكم باسم

المولع والا سامر والا وليد وتلقى مواضيعي كله (وش نوع جوالك)وكل شي

ملطوش وتلقى ردودي كله محترمه (شكرا يا عزيزتي على المرور ,

يا حبيلك وهاتسذا )وتوقيعي فيه صورة بنت مدنقه ومكتوب ابيات شعر

رومانصيه وعلاقاتي محترمه واصدقائي يتغيرون بعد ابونديم وعلوش وابوشدز

وزعبور المهم وابدا اكتب معكم وانا ناسين الجنط . . . . هيه وش جابنا

حنا بذا والله ياحنا مسكنا خط خلونا ندخل بالموضوع




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ





آخر الاخبار


ــــــــــــــــــــــــــــــــــــــــــــ



الحكومه تداهم بيت الملقوفه



داهمت الشرطه والقوات الخاصه بيت الملقوفه الي بوسط الثقبه وكانت الشكوك تدور حول الملقوفه
من يجي له شهرين وكانت الحكومه بالعربي تشك ان له علاقات خارجيه مع جهات معاديه وفعلا القوا
القبض عليه همن فتشوا البيت ومالقوا شي غير بخاخ قمل واربع هيلاهبات متشققاتن مع الركبه واتوجراف
فيه ذكرايات المتوسطه وكان السبب الي خلاهم يشكون به هو كثرة الاناتل (اريلات)الي فوق بيتهم لكن بعد
التحقيق طلعت الاناتل ذي كله عشان تلتقط قناة البحرين اذا صارت الرطوبه مرتفعه شوي




http://www.graaam.com/up/Pic6/8a6e93896b.jpg


الملقوفه وهي تكدد قبل المداهمه بشوي


http://www.graaam.com/up/Pic6/0e2bdf6d3a.jpg

أثناء المدهمه والتفتيش


http://www.graaam.com/up/Pic6/8ab001f094.jpg

كل هذا عشان قناة البحرين


ـــــــــــــــــــــــــــــــــ


كيرم المهايطي


طب المدعو كيرم المهايطي بالترفيهي بعد غيبه ولكنه طب يهايط على الاعضاء ويلجلج وما فيه احد الا
يتلاقط معه وقد التقينا احد الاعضاء الذي فضل عدم ذكر اسمه وهو من شهود الاعيان الذين شافوا كيرم
وهو يهايط

فقال : مدري وش طاعونه كيرم من تالي طابن المنتدى وهو يزابد حتى انه تهاوش مع السيد جنط السفينة
مع ان السيد جنط السفينه حبيب وطيب قلب ولا يوذي احد ولا هوب يتحرش بأحد بس يباري الساس مير
اقبست بينهم واتلى علمي بهم والجنط يقول والله لأقشط خمسينك يا كيرم قريح
وعسى الله يستر من تواليه


http://www.graaam.com/up/Pic6/be9623162a.jpg


كيرم وهو يهايط قبل يسجل دخول بالمنتدى

ــــــــــــــــــــــــــــــ



زعبور في قفص الاتهام

بعد احداث واحد شعبنبر(شعبان)الجمعه الي فاتت توجهت اصابع الاتهام الى المدعو زعبور بانه هو الي
حاس المنتدى واكثر المحللين يقولون مافيه غيره وقد التقينا المحلل السياسي الكبير عطيه سكر

فقال : مافيش حد غيره يعني مين حيكون الشمااالي والا مدمن شاي دول مابيعرفوش يهكروا عالعالم
ويبوزوا المنتديات مافيش غير البتاع ده هو الي عملها لكن هو مزبط كل حاgهـ (حاجه) مافيش حد
بيأدر (بيقدر)يأوله(يقوله)حاgهـ دا مزبط مع ابو شدإ (ابوشدز)


http://www.graaam.com/up/Pic6/f3d6e8cf4d.jpg


المحلل السياسي الكبير عطيه سكر


ولما هالحين والجهود متواصله لحل هالمشكله وقد تدخل السيد ابونديم الخبوبي لحل المشكله وهذاو يحاول يتصل برفيدزه كوفي عناق ولكن جوال كوفي مفصول مؤقتا
ولكن المشكله ان زعبور مازال مختفي لما هالساعه


http://www.graaam.com/up/Pic6/9aa13ff05c.jpg

صورة تقريبيه للمتهم زعبور


ـــــــــــــــــــــــــ
مدعي النبوة

داهمت الهيئة بيت المدعو ابوهتون الواقع في حي منفوحه والقت القبض عليه وكان ابوهتون الله يهديه
ادعى النبوة قبل اسبوع وقعد يجمع له اتباع ويصلي بهم شرق وهذا الهيئه تحاول معه غديه يتوب مير
يقولون انه عسر ومعيي نسأل الله انه يتوب عليه ويفتح على قلبه وقد ذكر بعض سكان حارتهم ان
ابوهتون من تالي ماهوب الي انت تبي ماغير يوسوس ويقولون انه انلحس من التشفيط وانه مسوين مقاطع بلوتوث يقول
(لو خيروك قل اصبر خمسين سنه , وخمس وعشرين سنه مركزة )


http://www.graaam.com/up/Pic6/001136f612.jpg


ابوهتون الله يهديه وهو يدعي الناس بمنفوحه ويحاول يقنعهم انه نبي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

اعلانات


ــــــــــــــــــــــــــــــــــــــــــــــ

حراثات للبيع


يعلن السيد ابو نديم عن عرض ثلاث حراثات للبيع استعمال حشمه كلهن نظاف مالمستهن المطرقه وابوشدز
يشهد ومستعد يحلف اسألوه




http://www.graaam.com/up/Pic6/93d8fe0827.jpg




http://www.graaam.com/up/Pic6/04936d7172.jpg


احد المشترين وهو يجرب الحراثه


http://www.graaam.com/up/Pic6/95d8ba1815.jpg


وللمعاينه نرجو زيارة مزرعة السيد ابو نديم في ولاية خب القصيعه




ــــــــــــــــــــــــــــــــــــــــ

للبيع لأعلى سعر جنوط لكزز 430


http://www.graaam.com/up/Pic6/87d6019ead.jpg


يشترط ان يكون المشتري من غير سكان حي المحمدية


عنايه السيد بندر المطيري



ـــــــــــــــــــــــــــــــــــ



لاتفوتس الفرصه



تعلن السيدة مون صاحبه مشغل (الكوع الاسود)عن وصول النقاشه السودانيه الكبيره بنت الماضي وبهذه المناسبه نبي نسوي تخفيضات هائلة على نقش وتزين العروس


http://www.graaam.com/up/Pic6/8d0450b804.jpg

بنت الماضي وبعض المساعدات لها اثناء النزول من الطياره



شعارنا
عندنا ارخص الاسعار وحنا نجيتس بالبيت



ـــــــــــــــــــــــــــــــــــــ


مطلوب زوجه


يعلن السيد فرج فراولة عن رغبته الملحة للزواج بأسرع وقت ممكن

المواصفات المطلوبه

1-شقراء الشعر خضراء العينين
2-رشيقة
3-تعرف تضبط المعسل

آخر فرصه لتقديم الطلبات الليلة الساعة اثنعش ونص


http://www.graaam.com/up/Pic6/0e115aeb0e.jpg
الوسيم فرج فراوله

ــــــــــــــــــــــــــــــــــــ

خروف للبيع



http://www.graaam.com/up/Pic6/95fd53975c.jpg

سوسي

تعلن السيدة بدويه كاشخه عن رغبتها ببيع خروفها الخكري (سوسي)بأي سعر بسبب الظروف الماديه
وانشقاق طبقة الاوزون وتسان محدن شاريه فالله يخليكم ابي سلف اربع ميه ريال ابشتري بلايز الكليه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

نكت قديمه بس زاحفة


1-يقول لك غبي يمشي بالشارع فجأة طاح على وجهه ومات ليه



نسى يتنفس

2-مسواك ارتد صار صاروخ (زقارة حشيش)

3-وش وجه الشبه بين اليماني والكمبيوتر




كلهم يخزنون


4-واحد يغازل غبيه بالشارع قرب منها وقال البيت فاضي يا جميل قالت ورى ما تأجره


5- فيه اثنين راحو مع بعض ....... جاء بعض وخلاهم لحالهم

6-فيه واحد صك دكانه(البقاله) بكف

7-غبي رجـع فـي كـلامـه ... صـدم اللي وراه

8-شايب جالسن مع شيبان وهو يقول ديد .. ديد . . . ليه


متعدي الميه وعشرين

9-يقول لك فيه واحد صيني رايحن لسوريا المهم سأله موظف الجمارك في المطار شو اسمك
قال الصيني مي شان شو
قال السوري مو مشان شي


http://www.graaam.com/up/Pic6/ee796235e8.jpg

الاستاذ مي شان شو الصيني


http://www.graaam.com/up/Pic6/90af79d337.jpg

سوري بس ماهوب موظف الجمارك الي بالنكته

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

صورة وتعليق


http://www.graaam.com/up/Pic6/3a09c6f3d1.jpg


تعطين الحلاوة الي بالدرج والا افصله


والله ان لي اسبوع احاول القى لي تعليق مناسب على هالصورة عجزت والله ياهي من افضل الصور الي مرت علي




http://www.graaam.com/up/Pic6/6c70990a21.jpg



اشوى اني مانيب مظلي


http://www.graaam.com/up/Pic6/a69e041f3e.jpg

هم يقولون مواقف حريم



http://www.graaam.com/up/Pic6/c4758d9aef.jpg


الله يرجه بيرفع على تريله


http://www.graaam.com/up/Pic6/c61c0733bd.jpg

يا اخي شايفن هالوجه


http://www.graaam.com/up/Pic6/4c40da2b43.jpg


ابونديم بعد ولادته بثلاثة ايام



http://www.graaam.com/up/Pic6/3f05a7e3e0.jpg



والله من مرة ومرة سووا هالحركه ابوشدز وزعبور


http://www.graaam.com/up/Pic6/3824fdc13d.jpg


اما لو تهاوش انت وياه بطريدزن (بطريق) مظلم باخر الليل والله يا انت تبي تقشر بصل

http://www.graaam.com/up/Pic6/9f4a3b71b8.jpg

ذكريات هههههههههه


http://www.graaam.com/up/Pic6/e3869c6ca5.jpg

والله من الشرافه

سؤال :
كم مرة لهمت منه ؟


http://www.graaam.com/up/Pic6/3dfdb0eb1f.jpg


يلعن ام النذاله


http://www.graaam.com/up/Pic6/a0b8ed911a.jpg







اقطع يدي تسانك تعرف وش يوافق ديسمبر يالشين



http://www.graaam.com/up/Pic6/8592bc0973.jpg

والله ياهو فله ياحلالات من اخذ به نص ساعه


http://www.graaam.com/up/Pic6/85479b462c.jpg


صدز لو تطق معهم بلوت تبي توهق


http://www.graaam.com/up/Pic6/0119e00116.jpg


وين راعيات طمبق طمبق طمبق للللللللللللووووووووو


http://www.graaam.com/up/Pic6/a484932b4c.jpg




يالله نشوفكم على خير









.




.