*************الشرح البديع لمعنى كلمة مراصيع*************

[د. جنط السفينة]

بسم الله الرحمن الرحيم

مساكم الله بالخير

كتبت هالموضوع تحت تأثير الجوع الشديد الساعه الخامسه عصرا بتوقيت منفوحه في اليوم الثاني من ايام
شهر رمضان المبارك هالحين وانا اكتب فيه اثنعش ديناصور ينهشون جدران المعدة الي ببطني كثروا
الشيره الي على اللقيمات الله يخليكم << هذي ماهيب لكم احاتسي اهلي

المهم مالكم بالطويله انا ملاحظن بهالفايت ان بنات هالجيل :eek: ماعندك احد الله يخلف عليهن وعلى اهلهن
ثلاثت ارباعهن مايعرفن يطبخن والي تعرف تطبخ تصير ماتعرف الا بيض مسلوق تحطه ببريدز الشاهي
مع الماء لما ينفقشن همن تحسب نفسه اخر قرامه

قلت ياجنط ورى ماتسوي بهن معروف وتعلمهن طريقه اكله شعبيه منها يتعلمن ويتركن الرفاله ومنها نحافظ
على التراث << لاجاء طاري التراث على طول اتذكر ابونديم والدرعيه القديمة

وانا جايبن لكم اليوم اكلتن ماهنا زينه وسهله بعد ولامنكن فلحتن به جبنا لكن اكلتن اصعب منه مع اني ادري
انكن ما انتن فالحات بس العوض ولا القطيعه ونتركم الآن مع الشف رمزي << رمزي والا رمزك

اسم الاكله
رصيعه ورصيع ومراصيع رصيعات << اختر الي تبي
المقادير
بيض + طحين بر + حليب سايل + بكنق بودر اذا انت تبي + ذرة ملح يعني شوي + ماء

همن تحركهن لك شوي همن لاصارن مايعات (امحق شف) لاصارن سايل تشب على المقرصه همن لاحتمت
المقرصه ولاجيت تبي تعرف هي احتمت والا لا المسه باصبعك (qq15) << والله ياهو نذل
لامنك شفت انه احتمت صب عليه من هالسايل شوي همن لاصارت شهبا اقلبه على الوجه الثاني وتسذا لما تشوف
انه صارت شهبا مع الجهتين همن طلعه وحطه بصحن ولامن سويت لك كم وحده حط عليهن شوي سمن والا زبدة
بس اهم شي ماتكون الزبده دينمركيه همن اضبط لك براد شاهي وقرب الجبن وقشطة قيمر همن املط من هالجبن
والقشطه وابلع وادفع بالشاهي وبالهنا والشفا إلكن

وترى وصلتنا اخبار ان وزارة التربيه والتعلم يدرسون هالحين بشكل جدي انهم يحذفون الرياضيات ويحطون بداله ماده
اسمه (اكلات شعبيه) يعلمون البنات وشلون يسون مرقوق ومطازيز وجريش وحنيني ومراصيع ومن هالاكلات
ماهوب اصرف من جتا وضتا وغثا وهالبرابيس الي مانستفيد منهن شي
وهذ صور للطبخه للتطبيق
http://www.graaam.com/up/Pic7/5cbc9c9ecb.jpg
http://www.graaam.com/up/Pic7/b8a4bc1be1.jpg
http://www.graaam.com/up/Pic7/ce073503d2.jpg


ـــــــــــــــــــــــــــــــ
سونونو
نسيت اقول لتس اني احب ورق العنب
بس لا صار حار بكيفي مزاجي عاد انا حر (qq122)

ـــــــــــــــــــــــــــــ
كش عليتس يا مون
ما ادري ليش بس قفلت معي من صندوق كتابة المواضيع
قسم بالله يا تنسيق الموضوع صايرن شغله (tsfs)
ـــــــــــــــــــــــــ
اعذرونا على التقصير تراي مصخن ومالي خلق
وكتبت الموضوع تسذا بدون تحضير ولا تخطيط
يالله وخروا ابروح افطر

.