د. جنط السفينة
10-24-2007, 08:18 AM
بسم الله الرحمن الرحيم
لا تخافي لاتخافي . . . نحن ابطال المطافي
نحن شجعان كرام <<<<< اقول لا يكثر بس
عمتم مساءً ايها الزاحفون والزاحفات
قبل القرايه :
1-الموضوع طويل بقوة اطول من لسان بنت الماضي عشان تسذا اذا كان اتصالك ملحط دايل اب فنصيحه
انتظر تحميل الصور همن قطع الاتصال لو حسدن لشركات الاتصالات مع اني ادري ان السحالي مايهمهن
لأنهن ماهن دافعاتن الفاتورة بس قلنا نبري الذمه
2-لازم تروق المنقى قبل ماتقرا يعني قرب لك عصير جح وتسان ماهنا عصير جح فرح ودور بقاله يبيع به
شايب واشتر منه كوكاو سفاري ذاك الي قرطاسته خضرا وعليه صورة اسد واشتر بعد قارورة أورنجينه همن
ارجع واقرا
3-تسانك مشغول اومالك خلق تقرا هالحين فأنصحك خزن الموضوع على سطح المكتب وارجع له بعدين على رواقه
4-ابلشنا علوش بموضوعه حق التأهيل يقول لا تطول لاتطول عشان تسذا مانيب مطول اليوم ابطلع يمين
***********
الودتسه السحريه <<<< من منفوحه الى بلغاريا الى القصيعه <<< رحلة انقاذ ابو نديم
مقدمه
تخبرون هاك اليوم نزل اخونا العزيز الاستاذ ابونديم موضوعن عنوانه (من يفزع لبونديم وله جثيثه سكري
وسطل ونانه ) على هالرابط
... :gg4mpup:
والزبده ان به واحدن عندهم ايقاله محمد الطشت نظولن(نحوت)الله يدفع البلى ما احدن سلم منه اكاليوم اعدم
له وجه تركي ونحت عشاهم وانكب و ماسلم منه احد وعجزوا يلقون له حل وآخر شي توعده ابونديم انه يكسر رجله
وما قدر عليه وحط لنا الموضوع يطلب المساعده وحاطن جوايزن قيمه و انا تخبرونن رجالن احب الفزعه بس
يوم شفت الموضوع تسذا قلت والله مالي حيله وش اسوي به ذا
نسيت الموضوع ودارت الايام ومرت الايام مابين بعاد وخصام <<<هيه وين رايح اعذروه تراه صايرن رومانصي
المهم مرت الايام ويجيك ابونديم بموضوعي حق فاتنه سوق حجاب ويدور الحوار التالي بيني وبينه
ـــــــــــــــــــــــــــ
اقتباس:
المشاركة الأصلية بواسطة أبونديم
اسمه النحوت محمد الله لا يحمد امره
تكفي جب خبره والله اني محرج عليه بكل متسان
ابي واحد من الشهبان يفزع لي
ردي :
ابشر بالسعد والله يا ابونديم والله ماتنام عيني الليل بس افكر لك بمخرج
********
الفصل الاول
من هاك اليوم وانا ادور لي حل معه وانا ماغير اهوجس وادور لي حيله انا مانيب خابرن حلول الا مضاربات
بس هالنحوت ماينفع معه الضرب وبينما انا تسذالك اذ طرت لي فكره قلت ورى ماتدق على علي ابورجل
مسلوخه (حفظه الله ورعاه) هو رجالن فزوع ومايذخر وعلاقاته قويه مع كل الناس واطلع الجوال من جيبي
وادق عليه وماكمل نص دقه الاه راد
قلت : السلام عليكم
قال : وعليكم السلام
قلت : ابوحنش وينك ابيك بموضوع
قال : عسى ماشر وش فيه
قلت :ابد تخبر خوينا الي عطانا جمسه بموضوع (جنط السفينه منقذ الامه العربيه)
قال : ايه ابونديم
قلت : ابد وصلت
قال : وش فيه
قلت : الرجال بورطه ويبي فزعه
قال : اسمع ذي مايبيله حتسي بالتلفون تعال ومايصير الا الخير
قلت : وينكم
قال : عند قرقيز المملوح
قلت :ابد ربع ساعه وانا عندكم
طوط . . . طوط . . .
شغلت الموتر ورحت لبيت قرقيز الواقع بحي منفوحه يوم وصلت واطق الباب ويطلع قرقيز ويرحب ويهلي
ويقلطني يوم دخلت المجلس الا فيه بشكه شباب وفيه كم واحد ما اعرفهم واسلم عليهم يوم وصلت رفيدزنا فرج
فراوله لاحظت ان الرجال ماعبرني مد يده وصافحني بس وانا ابسحبه ابسلم عليه زي الي اعرفهم ولكن
ماتجاوب معي انا بيني وبينكم ماتوقعته من فرج لكن مشيته له بس وحنا جالسين الرجال مايحتسي وبس
يقلب عيونه وصايرن تقل سبيكه انا قلت بنفسي وين فرج الرجه راعي الذبات وش صار عليه شكله يا مصخن
والا شاربن له بلا
اخذتنا السواليف الا يوم قام فرج بيمشي قالوا وين قال ابروح انام يوم قال ابنام مير انصدمت وشلون فرج ينام الساعه
احدعش اكيد ان الدعوه فيها (إنَّ )واول ماطلع وانا انقز
قلت : ياشباب وش فيه فرج
قالوا : خله على ربك بس
قلت : وشلون خله على ربك علموني وش السالفه
قال قرقيز :السالفه وما فيها انه بهالشهرين الي غبت فيهن عنا صارت امورن تسثيره
قلت : طيب وش دخل فرج
قال : الرجال بغيابك صار معارض سياسي وقام يتكلم بالحكومه وصار من اتباع سعد الفقيه وقام يمشي بالمجالس
ويسب الحكومه مادرى الرجال الا الحكومه مداهمتن بيتهم ويتلونه على وجهه لم جنوب الرياض وبالتحديد ودوه
لمنتزه الحاير اخذله ثلاثت اسابيع بذاك همن طلعوه
قلت : طيب وبعدين ليش هو صايرن تسذا
قال : بالعربي الجماعه فرمتوا مخه وركبوله ويندوز 95 وهالحين الضعيف صار مايجمّع
قلت : طيب لهالدرجه راح فيها
قال : ايه الهاردسك حقه كله 4 قيقا بس والرام 64 وكرت الشاشه حق العيون 32 وهالحين الضعيف لاحتسوا
اثنين بوقت واحد على طول يهنق همن لازم تسوي انهاء العمليه والا اعادة تشغيل الزبده ان الرجال راح وطي
قلت : افا اثر الدعوه تسذا الله يكون بعونه <<<<< هالحين تلقى نوور تصيح
http://www.aboshdg.com/topupload/users/gnt/323%20(1).jpg
فرج قبل الفرمته رجه ووناسه
http://www.graaam.com/up/Pic7/b1d5a5cfa9.JPG
فرج بعد الفرمته دجه ودلاخه
جلسنا نسولف شوي ويم جت الساعه وحده قلت لعلي ابورجل مسلوخه (ايده الله )يالله يا أبوحنش ماتبي نسري
قال : يالله حتى انا ماجيت بسيارتي خل اخاويك
طلعنا وركبنا سيارتي همن قعدنا انتمشى وعلمته بسالفه ابونديم كله من طقطق للسلام عليكم المهم قعد يفكر الرجال
ويدور حل الا يوم بديت اشم ريحة حريقه بالسياره
قلت :يا ابو حنش انتبه لاتصير زقارك طايحتن على المرتبه
قال : لا هذاه بيدي
وانا اقعد ادور يوم ناظرت علي (حفظه الله)الا شعره يدخن
قلت : يا ابوحنش راسك يدخن
قال :لاعادي مافيه شي بس لاصرت افكر لازم يطلع دخان <<<< والله من زين المخ بعد
قلت : اشوى احسبنا احترقنا المهم غدي هالتفكير طلع بنتيجه
قال : يا اخي ذولا مالهم الا حلن واحد مافيه الا نحاربهم بنفس سلاحهم
قلت : طيب وشلون يعني
قال : ندبر لنا واحدن نحوت
قلت : طيب منين لنا واحدن مثله
قال : انا خابرن قرقيز يطري لي واحدن بالمزاحميه (قريه جنوب الرياض )يقول انه مايخطيه حتى انهم
مسمينه الشوزل اذا عطاك وحده ماتخطي ابد ، بس اصبر خل ابتصل على قرقيز اسأله اتصل الرجال على قرقيز
وعلمه بالسالفه
قال قرقيز: ابشروا والله هنا(حنا)ندور اليوم الي نخدمكم فيه وانا امون على الرجال وماهوب رادن بس مرون
باتسر العصر نروح له , تفرقنا وحنا متواعدين بكرى العصر ويوم جاء باتسر العصر وامر ابوحنش في بيتهم
وآخذه ونمر قرقيز ونزرق للمزاحميه وندخله امسيان ونبدا ندخل بهاك الدواعيس لما وصلنا مزعتن صغيره دخلنا
بالمزرعه الا يوم جانا هاك الرجال
مير ينزل قرقيز ويسلم عليه ويخمون بعض ويقلطنا الرجال ويوم راح الرجال يجيب القهوه سألت قرقيز هو ذا الرجال
قال : ايه هذا عبدالرزاق الشوزل بشحمه ولحمه
قلت : الله يستر والله ياوجهه وجه شر
ماقعدنا دقيقتين الا يوم جاب القهوه والشاهي وحنا نقعد نتقهوى ونتشهوى لنا شوي ومع السواليف قال الرجال ماهيب
عادتن لك ياقرقيز تسير عسى ماشر وش جايبكم
قال قرقيز : حنا جاينك الله يسلمك بشين مايقدر يخدمنا به الا انت
قال : انت تامر وانا اطامر هاه قل وش عندكم
ويجيك قرقيز ويهذ السالفه عليه ويوم خلص ويجيك الشوزل ويعدل جلسته ويقول بس احسب عندكم شين تسايد هذي
ماهيب شي والله لأجيب لكم اخبره ويقوم يعدد بطولاته عندنا وبيني وبينكم يوم شفته يهايط حسيت انه ماعندك احد
قال:خلونا لامن تعشينا نمشي واوريكم به
قلنا :على بركة الله
صلينا المغرب والعشاء همن تعشينا وسرينا وطول الخط والرجال يهايط ويمّدح نفسه والله انه ازعجنا بس حنا
صبرنا عشان ابونديم ويم اقبلنا على القصيعه اتصلنا على ابونديم وكنا قبل الفجر بشوي استقبلنا الرجال الا يوم اذن
رحنا وصلينا ويوم طلعنا من المسجد ونروح لمزرعة ابونديم الاه مولمن القهوه تحت هاك الاثله والسادزي يخرخر
حدرنا وحاطن لنا قدوعن من كل شكل وبعد القهوه على طول قام ومادرينا الا الفطور بين يدينا رصيعات وزبده ومن
كل شي لما ملى السفرة <<< والله ياهو قرم هالاجودي
بعد الفطور قمنا نحتسي بالرجال وش السواة معه
قال عبدالرزاق الشوزل : روحوا نادوه وابتحدى انا وياه بميدان التحرير الي بوسط القصيعه
قال ابونديم :انا اقول ان الراي انك تغافله وهو مايدري
قال الشوزل : انتم هاتوه وشوفوا
قال ابونديم : طع شوري هذا محمد الطشت مايلعب معه
قال الشوزل : والله لأخلي طشته بانيو جيبوه بس <<<<< مهايطي من جد
وشيل وحط بين ابونديم والشوزل ويجيك يعاند الشوزل ويركب راسه <<< سيكل ذا موب راس
قال ابونديم بكيفك جاء ابونديم وارسل واحد لم محمد الطشت يواعده العصر بميدان التحرير يوم جاء العصر اللهم
صلي على النبي الا الميدان مليان اوادم اثر الخبرمنتشر وانتم تخبرون الربع ماهم شروفين قعدنا نحتري الطشت
الا يوم اقبل ووقف بنص الميدان ارسلنا له واحد قال الطشت وخروا عنه وخلوه يقابلن وخرنا عن الشوزل وتقابلوا
يناظرون بعض وبينهم يجي 30 متر استمروا على هالحال نص ساعه والناس تراقب والقلوب تدق وابونديم يروح
ويجي من القلق ولا صار شي وفجأه دق جوال الشوزل ويجيك يطلعه من جيبه ويحطه بذنه واول ماحطه وهو ينفجر
الا الشوزل طايرن هناك ويقوم يتدحوس بالارض ونشيله للمستشفى ويالله يمتسنونه ويوم طلع تقرير الدكتور الاه
مكتوبن به فتحه بالرأس قطرها اثنين سم (سانتي متر)واثنعش غرزه بالرأس وسقوط ثلاث ارباع الاذن اليسرى
الله يدفع البلى ويرقدونه اسبوع ونبلش به لما طلع وناخذه لم المزاحميه والضعيف هالحين متشوه ولايسمع باذنه
اليسرى
http://www.aboshdg.com/topupload/users/gnt/untitled.jpg
عبدالرزاق الشوزل بعد الخروج من المستشفى ويلاحظ سقوط ثلاث ارباع اذنه اليسرى
عاد حنا رجعنا للرياض بس عجزت انام الليل من كثر التفكير لأن الطشت يوم صقع الشوزل بوحده والشوزل
يتدحوس كنت اسمعه يهدد ابونديم ويقول والله لأقطع نسلك واعمي عينك عاد العمى يهون عند قطعة النسل كلش الا
ذي قلت انا لازم اشوف له مخرج وانا افكر قلت اكيد العلم الحديث لاقين حل لهالمشكله ويوم جاء من باتسر الصبح
واروح للسفارة اليابانيه وادخل على السفير وانخاه قال ابشر والله بالسعد وقال لي بعد حنا نعاني من هالمشكله بس به
مركز ابحاث عندنا يسوي دراسات واظنه لقى حل ويقوم ويتصل عليهم ويحاتسيهم بالموضوع قالوا اي والله به جهاز
بس لازم ترسلون لنا تقرير عن النحوت حتى نشوف هو ينفع معه الجهاز والا لاويوم ارسلنا لهم التقرير قالوا ماينفع
معه الجهاز لأن الطشت قوته سبع درجات على مقياس رختر والجهاز ماينفع الا لأربع درجات وتحت ويوم سمعت
هالهرج ضاقت علي الوسيعه وطقن تكاك وتسددت بوجهي ورجعت للبيت وانا مأيس اني القى حل
http://www.aboshdg.com/topupload/users/gnt/00023852.jpg
صورة لأحد اعضاء مركز الابحاث الياباني وهو يقوم بعض طريقه تشغيل الجهاز
**************
الفصل الثاني
دخلت البيت وانا ضايقن صدري واول ما انجطلت بالفراش الا يوم دق الجوال واقوم ارد عليه الاه صوتن ما اعرفه
سلم وسولف شوي
قلت : من معي
قال : السفير البلغاري فلادمير شاريتوف
قلت :هلا حياك الله يا ابو شاريتوف سم آمر
قال : مايامر عليك عدو بس انا قبل شوي اسولف مع السفير الياباني وعلمن بسالفتكم
قلت : طيب وش عندك
قال :عندي الحل
قلت : وشو الحل
قال : اسمع انا جوالي سوى وهالحين بينتهي الشحن بس انت تعال عندي بالسفارة الساعه ثنتين بالليل وانا اعلمك
وش الحل
قلت : طيب تم
مير يوم سكر السماعه ويجين ابليس ويلعب بي قال وشلون تصدقه وان تسانه يبي يسوي بك شي شين واقوم واناظر
وجهي بالمرايه قلت وين والله لو الناس خلصوا قال ابليس ترى الناس اذواق وبعدين ليش الساعة ثنتين ويوم قال تسذا
وانا يدخلن الماء قلت اي والله ليه وافكر قلت بس انا لازم اروح عشان ابونديم وادور حل وتطري علي هاك الفكرة وانا
انقز على طول لم محلات مواد البناء واشتري سلسله ربع متر وقفل اصفر وانا الفه على الربدزه واقفله قلت ايه هالحين
اروح وانا مرتاح ويوم جت الساعه وحده ونص وانا اروح لم السفاره ويوم اقبلت عليه ويجين ابليس قال فرحن بسلستك
يالكمخه قلت وراه قال هالقفل يكسرونه بمفتاح العجل قلت افا اي والله اني مافكرت بكسرت القفل بس وش السواة هالحين
كل المحلات مسكرات واقعد افكر شوي قلت مافيه حل الا اتصل على ابوحنش وانا ادق عليه ويرد
قلت : السلام عليكم وينك ابوحنش
قال : بالمقهى وش عندك
قلت : لقيت لي حل لموضوع ابونديم بس ابيك ضروري هالحين تجين بحي الرائد عند السفارة البلغاريه
قال :وشو الحل
قلت : مدري بس السفير البلغاري دق علي يقول ان عنده حل
قال : طيب عشر دقايق وانا عندك
طوط . . . طوط ..
وعشر دقايق الاه عندي ونجي لم السفارة البلغاريه الا الباب مفتوح ولمبة الحوش مولعه وريحة الهيل واصلتن اخر
الشارع ونطق الباب ويرد علينا واحدن بالحوش قال اقلطوا حياكم الله ونقلط ونسلم عليه الاه حاطن المعاميل بجنبه
والدله على الضو
قال : انت جنط السفينه
قلت : اي والله وهذا علي ابورجل مسلوخه (اطال الله بقاءه)
قال : حياكم الله معكم ابوشاريتوف
قلنا : هلا بك تحيا وتدوم
وبدينا نسولف الا يوم زانت العلوم وبدينا بالقصيد وعلوم العرب ويستلمنا ابوشاريتوف سواليف ولا وقف الا يوم اذن
الاول (طلع ملجلج ابوشاريتوف)قلنا طال عمرك حنا نبي نسري هالحين بس تراك ماعلمتنا بالحل الي عندك
قال : اي والله أخذتنا السواليف (والله ماهوب منك من الي براسك)بس دوكم الحل هذا طول الله اعماركم عندنا
قريتن ببلغاريا به بحيرتن صغيره هالبحيره ماهي بحيره ماء
قلت : اجل وشو
قال : جايك بالحتسي لاتستعجل ,هالبحيره به (ودتسه)والناس مسمينه بحيره الودتسه السحريه لأنه سلمكم الله الي
يطب به مره ويملط كل جسمه بهالودتسه خلاص يصير عنده مناعه عن العين ولا يقدر اطلق نحوت انه يسوي به شي
قلت : احلف
قال : قسم بالله
قال ابوحنش : هذا والله عز الطلب عطنا العنوان يا ابوشاريتوف
طلع السيد فلاديمير ورقه وكتب به العنوان واول ماخلص كاتبه الا يوم اذن التالي قلنا حنا نستأذنك ياطويل العمر
قال : حافظكم الله وجوالي معكم لابغيتوا شي
ونروح نصلي الفجر واول ماطلعنا من المسجد وندق على ابونديم قلنا ابشر لقينا لك حل بس المشكله انه ببلغاريا قال
مايخالف والله لوه بعرعر(هالقروي ماعمره تعدى القصيعه)قلنا يارجال اي عرعر بس انت تعال للرياض هالحين
ترى طيارتنا العصر ويوم جت الساعه عشر الصبح الا ابونديم بالرياض رحنا استقبلناه بمواقف التكاسي الي بالبطحا
وقعدنا نسولف شوي قلنا مجهزن عمرك يا ابونديم انتبه لاتصير ناسين شي
قال :لا ابد العزبه والمه والمطرحه جبته عن البرد بس انهم يقولون انه لازم نمر وزارة (الطالعيه)عشان ناخذ (افيز)
قلنا : وش طالعيته
قال : وزارة الطالعيه ماتعرفونه
قلنا : غلطان يا ابونديم مابه وزاره اسمه الطالعيه
قال : انا اكاليوم سامعن بالرادو يقولون صرح وزير الطالعيه السعودي حتى اسمه بعد مرزوق الفيصل
قال ابوحنش : مافيه من عيال الفيصل ماسكن وزارة الا خالد يمكنه يعني وزارة الخارجيه
قال ابونديم : ايه عسى ابوك للجنه هذا هي
http://www.graaam.com/up/Pic7/95957f8345.jpg
المطرحه الي جايبه معه من القصيعه يالله اقنعناه يخليه بملحقنا لما نرجع
قعدنا نضحك على هالقروي وقلنا له ماهوب لازم نمره بس لازم نشتري ترنقات قبل يذن الظهر
قال : وش الترنقات
قلت : تكاميل يعني بدلات زي الاجانب
قال : معصي انا مانيب فاصخن ثوبي لو تعطونن عشرت اصطول ونانه
قلنا : اصلا مايسمحون لنا ندخل ديرتهم الا لما نلبس ترنقات
اخيرا اقتنع ابونديم وعاد حنا بالبطحا قلنا نبي نستغل الوقت خلونا نتفرق وكلن يشتري على ذوقه ولأذن الظهر الوعد
عند المسجد الي ورى فندق البطحا تفرقنا وتقضينا ويوم اذن تقابلت انا وابوحنش ورحنا لم المسجد وحنا مقبلين على
المسجد الا وش نشوف ابونديم يتهاوش مع واحدن حمرن خدوده تلمع من بعيد ونجي لمهم مسرعين الا اللبناني
يقول : انت مابتفهم خيوي انا مسيحي مابصلي هون
قال ابونديم : وهمن عاد هذاي انا من القصيعه واصلي بذا ، يالله قم يالسرسري
ونجي ونفكهم قلنا يا ابونديم الرجال اصلا كافر مايصلي مثل المسلمين قال ابونديم وشلون كافر بالسعوديه قلنا يارجال
خل نروح نصلي بس لاتفوتنا الصلاة رحنا وصلينا ويوم طلعنا رحنا للبيت وكلن معه اكياسه ويم دخلنا البيت قعدنا شوي
همن تغدينا ويوم شبعنا قلت هاه وش شريتوا يا اخوان قام ابوحنش وجاب اغراضه الاه شارين ترنقات يمشن الحال
تخبرون ذوق عربجي قلت هاه يا ابونديم وش شريت ويقوم يجيب كيسه ويطلع اغراضه الا وش تشوف عينك طلع
الرجال شارين بجامتين انقليزيات مثل الي يومنه يروح مع المنتخب وحدتن لونه ابيض ووحدتن لونه اشهب مثل لونه
قلت: الله يغربلك وش ذا
قال :وش بك ماهن زينات
قلت: ذولي بجامات ماهن بترنقات
قال :هذا ذوقي عاد وبعدين انت وش دخلت كل عمري لاجيت اكشخ البسهن
قلت :لا والله النكبه هالحين سكرالسوق وحنا طيارتنا العصر لا حول ولاقوة الا بالله
قال ابوحنش :خله بكيفه
قلت: هذا الراي
قال :ايه هذا الراي بس خله ينتبه لفتحة السروال هي من قدام والا من ورى ماهو يجيب العيد زي هاك اليوم
جاء العصر وحنا ناخذ ليموزين ونروح للمطار ويوم قرب موعد الاقلاع بدا ابونديم يطري النخل وانه ناسين السادزي
على النخلة القصيا اثره يوم شاف الطياره ذل ووده يرجع بس مستحي مير يوم جينا نبي نركب الطياره ويعيي لا يركب
فضحنا قدام العالم ويالله نركبه بالغصب ونركب الطياره وعلى طول ينام ونطير لنا ساعه واربعين دقيقه ويوم نزلنا
المطار وحنا نقومه وننزل من الطياره وناخذ لنا مترجم وعلى طول نروح لمحطة الباصات قلنا نبي القريه الي به بحيره
الودتسه السحريه قالو ماهنا باصن يروح لهاك القريه الا باتسر الضحى قال ابوحنش اجل خلونا ناخذ فندق نريح الليله
وباتسر نروح للقريه قلنا مايخالف رحنا اخذنا لنا فندق وجلسنا به يوم جت الساعه احدعش بالليل قام ابوحنش يلمح ناوين
يسوي له بلا قال ياجماعه بدل جلستنا بذا وش رايكم نروح نتمشى ونشوف عروض الفنون الموسيقيه البلغاريه (يبي
يروح لمرقص السربوت) قلنا خله بعدين يوم قعدنا شوي
قال ابوحنش :وش رايكم نعطبها بدل جلستنا تسذا فاضين
قال ابونديم :وشلون نعطبها
قال ابوحنش:يعني نشرب نبيذ (على بال امه يبي يلطف التسلمه)
قال ابونديم :لا مايجوز اتقي الله يا ابوحنش (ترى ابونديم هو امامنا بالرحله)
مير يستحي ابوحنش ونجيك ننام وماقمنا الا باتسر الصبح ويوم قمنا قال ابونديم روحوا انا ابلبس واجيكم نزلنا انا
وابوحنش والمترجم تحت نحتريه الا يوم جاء الا وش تشوف عينك طلع الرجال لابسن البجامه الي لونه اشهب وهو
لونه اشهب الا يوم طلع تقل مصلوخ لاوبعد من زين العلوم ضيقه البجامه وجاي واثق والناس تناظره وتضحك وبه
بنات مطلعاتن جوالاتهن يصورنه وهو يتمشى ولا تسنه مسوين شي المهم جانا وركبنا الباص ورحنا للقريه وصلنا
يجي الساحه احدعش وننزل ونسوي قهوتنا ويقوم المترجم يذري (يذري يعني يغطيه عن اعين الناس)لأبونديم وهو
يفصخ البجامه ويلبس سروال السباحه الي عطاهياه ناصر الجوهر يوم انه مع المنتخب ويطب بالبحيره ويقعد يمطرس
له ثلاث ساعات
http://www.aboshdg.com/topupload/users/gnt/00017678.jpg
ابونديم في لحظة استرخاء تام
http://www.aboshdg.com/topupload/users/gnt/Recovered_JPEG_1399.jpg
ابونديم وهو يمطرس
ويوم خلص وهو يطلع ويغسل جسمه بالماء ويقعد معنا يتقهوى قلنا يالله خلونا نرجع عشان نحجز للرياض وحنا
راجعين الا هاك الشاليهات على الطريق ماهنا احسن منهن قلن وش رايكم نخلي راعي التكسي يوقفنا شوي
نطافش قالوا العيال قدام قلنا له وقف بذا الا يوم قعد يضحك همن وقف نزلنا حنا ورحنا للبوابه قلنا بكم الدخول
قال بثلاثين دولار قال ابونديم الله يديم الرخص الله مير يعز الحكومه قام البواب قص لنا كرت دخول همن
قال : يالله فصخوا
ويجيك ابونديم ويطلع سروال السباحه بيلبسه
قال البواب: لا ممنوع سروال السباحه
قال ابونديم :وراه اجل وش نلبس
قال البواب : ماتلبس شي تدخل سلط ملط
قال ابونديم :معصي يالسرسري
قال البواب :عاد هذا شرطنا تراكم هالحين بشاطي العراه
قال ابونديم :الشرط الي يخالف الشرع باطل وحنا ماعلينا منك نبي ندخل بسراويل
قال البواب : تبون تسذا والا ناديت البوديقاردات يمسحون بكم الارض
قلنا : لا والله السلامه غنيمه
ونرجع ركض للتاكسي الاه ميتن ضحك قلنا الله لايبارتس بك يومك تدري وش السالفه ورى ماعلمتنا يالله ودنا
للمطار ونروح للمطار ونركب اول طياره وللرياض على طول ويوم نزلنا بالمطار
قال ابونديم:يالله انا ابروح للقصيعه ولهن على البقره وابفجر السادزى على الرشوديه الي بجنب البرتسه
قال ابوحنش : انا اقول الراي انك ماتخاطر وتروح قبل ماتأكد انه خلاص صار عندك مناعه
قلت : اي والله انك صادز بس وشلون
قال ابوحنش : خلوا نروح لعبدالرزاق الشوزل نخليه يجرب مفعول الودتسه
رحنا لم الشوزل بالمزاحميه ودخلنا عليه وعلمناه الموضوع قال يالله خل نجرب ويجيك يحاول انه ينحت بيالتن خلينا
ابونديم يمسكه مير عجز عنه قلنا اي والله ان العلاج ناجح هالحين يا ابونديم رح للقصيعه الله يسهل لك امرك
راح ابونديم للقصيعه وجمع الناس بميدان التحرير وقعد يتحدى الطشت والطشت يحاول انه ينحته وعجز مير يتحطم
الطشت وتطيح سمعته وخلاص هالحين ما احد يخاف منه ولامر قاموا البزران يحلتون عليه حصى واخر علمي به
انه جته حاله نفسيه وصار انطوائي ولا يحاتسي احد ولا يجيه احد والآن ابونديم هو رجل القصيعه الاول وله شعبيتن
جارفه ويعيش بأمن وسلام وراحة بال .
خلاص انتهت
دمتم بأحلى ابتسامة
أحسن واحد بالعالم
د. جنط السفينة
ش1
لا تخافي لاتخافي . . . نحن ابطال المطافي
نحن شجعان كرام <<<<< اقول لا يكثر بس
عمتم مساءً ايها الزاحفون والزاحفات
قبل القرايه :
1-الموضوع طويل بقوة اطول من لسان بنت الماضي عشان تسذا اذا كان اتصالك ملحط دايل اب فنصيحه
انتظر تحميل الصور همن قطع الاتصال لو حسدن لشركات الاتصالات مع اني ادري ان السحالي مايهمهن
لأنهن ماهن دافعاتن الفاتورة بس قلنا نبري الذمه
2-لازم تروق المنقى قبل ماتقرا يعني قرب لك عصير جح وتسان ماهنا عصير جح فرح ودور بقاله يبيع به
شايب واشتر منه كوكاو سفاري ذاك الي قرطاسته خضرا وعليه صورة اسد واشتر بعد قارورة أورنجينه همن
ارجع واقرا
3-تسانك مشغول اومالك خلق تقرا هالحين فأنصحك خزن الموضوع على سطح المكتب وارجع له بعدين على رواقه
4-ابلشنا علوش بموضوعه حق التأهيل يقول لا تطول لاتطول عشان تسذا مانيب مطول اليوم ابطلع يمين
***********
الودتسه السحريه <<<< من منفوحه الى بلغاريا الى القصيعه <<< رحلة انقاذ ابو نديم
مقدمه
تخبرون هاك اليوم نزل اخونا العزيز الاستاذ ابونديم موضوعن عنوانه (من يفزع لبونديم وله جثيثه سكري
وسطل ونانه ) على هالرابط
... :gg4mpup:
والزبده ان به واحدن عندهم ايقاله محمد الطشت نظولن(نحوت)الله يدفع البلى ما احدن سلم منه اكاليوم اعدم
له وجه تركي ونحت عشاهم وانكب و ماسلم منه احد وعجزوا يلقون له حل وآخر شي توعده ابونديم انه يكسر رجله
وما قدر عليه وحط لنا الموضوع يطلب المساعده وحاطن جوايزن قيمه و انا تخبرونن رجالن احب الفزعه بس
يوم شفت الموضوع تسذا قلت والله مالي حيله وش اسوي به ذا
نسيت الموضوع ودارت الايام ومرت الايام مابين بعاد وخصام <<<هيه وين رايح اعذروه تراه صايرن رومانصي
المهم مرت الايام ويجيك ابونديم بموضوعي حق فاتنه سوق حجاب ويدور الحوار التالي بيني وبينه
ـــــــــــــــــــــــــــ
اقتباس:
المشاركة الأصلية بواسطة أبونديم
اسمه النحوت محمد الله لا يحمد امره
تكفي جب خبره والله اني محرج عليه بكل متسان
ابي واحد من الشهبان يفزع لي
ردي :
ابشر بالسعد والله يا ابونديم والله ماتنام عيني الليل بس افكر لك بمخرج
********
الفصل الاول
من هاك اليوم وانا ادور لي حل معه وانا ماغير اهوجس وادور لي حيله انا مانيب خابرن حلول الا مضاربات
بس هالنحوت ماينفع معه الضرب وبينما انا تسذالك اذ طرت لي فكره قلت ورى ماتدق على علي ابورجل
مسلوخه (حفظه الله ورعاه) هو رجالن فزوع ومايذخر وعلاقاته قويه مع كل الناس واطلع الجوال من جيبي
وادق عليه وماكمل نص دقه الاه راد
قلت : السلام عليكم
قال : وعليكم السلام
قلت : ابوحنش وينك ابيك بموضوع
قال : عسى ماشر وش فيه
قلت :ابد تخبر خوينا الي عطانا جمسه بموضوع (جنط السفينه منقذ الامه العربيه)
قال : ايه ابونديم
قلت : ابد وصلت
قال : وش فيه
قلت : الرجال بورطه ويبي فزعه
قال : اسمع ذي مايبيله حتسي بالتلفون تعال ومايصير الا الخير
قلت : وينكم
قال : عند قرقيز المملوح
قلت :ابد ربع ساعه وانا عندكم
طوط . . . طوط . . .
شغلت الموتر ورحت لبيت قرقيز الواقع بحي منفوحه يوم وصلت واطق الباب ويطلع قرقيز ويرحب ويهلي
ويقلطني يوم دخلت المجلس الا فيه بشكه شباب وفيه كم واحد ما اعرفهم واسلم عليهم يوم وصلت رفيدزنا فرج
فراوله لاحظت ان الرجال ماعبرني مد يده وصافحني بس وانا ابسحبه ابسلم عليه زي الي اعرفهم ولكن
ماتجاوب معي انا بيني وبينكم ماتوقعته من فرج لكن مشيته له بس وحنا جالسين الرجال مايحتسي وبس
يقلب عيونه وصايرن تقل سبيكه انا قلت بنفسي وين فرج الرجه راعي الذبات وش صار عليه شكله يا مصخن
والا شاربن له بلا
اخذتنا السواليف الا يوم قام فرج بيمشي قالوا وين قال ابروح انام يوم قال ابنام مير انصدمت وشلون فرج ينام الساعه
احدعش اكيد ان الدعوه فيها (إنَّ )واول ماطلع وانا انقز
قلت : ياشباب وش فيه فرج
قالوا : خله على ربك بس
قلت : وشلون خله على ربك علموني وش السالفه
قال قرقيز :السالفه وما فيها انه بهالشهرين الي غبت فيهن عنا صارت امورن تسثيره
قلت : طيب وش دخل فرج
قال : الرجال بغيابك صار معارض سياسي وقام يتكلم بالحكومه وصار من اتباع سعد الفقيه وقام يمشي بالمجالس
ويسب الحكومه مادرى الرجال الا الحكومه مداهمتن بيتهم ويتلونه على وجهه لم جنوب الرياض وبالتحديد ودوه
لمنتزه الحاير اخذله ثلاثت اسابيع بذاك همن طلعوه
قلت : طيب وبعدين ليش هو صايرن تسذا
قال : بالعربي الجماعه فرمتوا مخه وركبوله ويندوز 95 وهالحين الضعيف صار مايجمّع
قلت : طيب لهالدرجه راح فيها
قال : ايه الهاردسك حقه كله 4 قيقا بس والرام 64 وكرت الشاشه حق العيون 32 وهالحين الضعيف لاحتسوا
اثنين بوقت واحد على طول يهنق همن لازم تسوي انهاء العمليه والا اعادة تشغيل الزبده ان الرجال راح وطي
قلت : افا اثر الدعوه تسذا الله يكون بعونه <<<<< هالحين تلقى نوور تصيح
http://www.aboshdg.com/topupload/users/gnt/323%20(1).jpg
فرج قبل الفرمته رجه ووناسه
http://www.graaam.com/up/Pic7/b1d5a5cfa9.JPG
فرج بعد الفرمته دجه ودلاخه
جلسنا نسولف شوي ويم جت الساعه وحده قلت لعلي ابورجل مسلوخه (ايده الله )يالله يا أبوحنش ماتبي نسري
قال : يالله حتى انا ماجيت بسيارتي خل اخاويك
طلعنا وركبنا سيارتي همن قعدنا انتمشى وعلمته بسالفه ابونديم كله من طقطق للسلام عليكم المهم قعد يفكر الرجال
ويدور حل الا يوم بديت اشم ريحة حريقه بالسياره
قلت :يا ابو حنش انتبه لاتصير زقارك طايحتن على المرتبه
قال : لا هذاه بيدي
وانا اقعد ادور يوم ناظرت علي (حفظه الله)الا شعره يدخن
قلت : يا ابوحنش راسك يدخن
قال :لاعادي مافيه شي بس لاصرت افكر لازم يطلع دخان <<<< والله من زين المخ بعد
قلت : اشوى احسبنا احترقنا المهم غدي هالتفكير طلع بنتيجه
قال : يا اخي ذولا مالهم الا حلن واحد مافيه الا نحاربهم بنفس سلاحهم
قلت : طيب وشلون يعني
قال : ندبر لنا واحدن نحوت
قلت : طيب منين لنا واحدن مثله
قال : انا خابرن قرقيز يطري لي واحدن بالمزاحميه (قريه جنوب الرياض )يقول انه مايخطيه حتى انهم
مسمينه الشوزل اذا عطاك وحده ماتخطي ابد ، بس اصبر خل ابتصل على قرقيز اسأله اتصل الرجال على قرقيز
وعلمه بالسالفه
قال قرقيز: ابشروا والله هنا(حنا)ندور اليوم الي نخدمكم فيه وانا امون على الرجال وماهوب رادن بس مرون
باتسر العصر نروح له , تفرقنا وحنا متواعدين بكرى العصر ويوم جاء باتسر العصر وامر ابوحنش في بيتهم
وآخذه ونمر قرقيز ونزرق للمزاحميه وندخله امسيان ونبدا ندخل بهاك الدواعيس لما وصلنا مزعتن صغيره دخلنا
بالمزرعه الا يوم جانا هاك الرجال
مير ينزل قرقيز ويسلم عليه ويخمون بعض ويقلطنا الرجال ويوم راح الرجال يجيب القهوه سألت قرقيز هو ذا الرجال
قال : ايه هذا عبدالرزاق الشوزل بشحمه ولحمه
قلت : الله يستر والله ياوجهه وجه شر
ماقعدنا دقيقتين الا يوم جاب القهوه والشاهي وحنا نقعد نتقهوى ونتشهوى لنا شوي ومع السواليف قال الرجال ماهيب
عادتن لك ياقرقيز تسير عسى ماشر وش جايبكم
قال قرقيز : حنا جاينك الله يسلمك بشين مايقدر يخدمنا به الا انت
قال : انت تامر وانا اطامر هاه قل وش عندكم
ويجيك قرقيز ويهذ السالفه عليه ويوم خلص ويجيك الشوزل ويعدل جلسته ويقول بس احسب عندكم شين تسايد هذي
ماهيب شي والله لأجيب لكم اخبره ويقوم يعدد بطولاته عندنا وبيني وبينكم يوم شفته يهايط حسيت انه ماعندك احد
قال:خلونا لامن تعشينا نمشي واوريكم به
قلنا :على بركة الله
صلينا المغرب والعشاء همن تعشينا وسرينا وطول الخط والرجال يهايط ويمّدح نفسه والله انه ازعجنا بس حنا
صبرنا عشان ابونديم ويم اقبلنا على القصيعه اتصلنا على ابونديم وكنا قبل الفجر بشوي استقبلنا الرجال الا يوم اذن
رحنا وصلينا ويوم طلعنا من المسجد ونروح لمزرعة ابونديم الاه مولمن القهوه تحت هاك الاثله والسادزي يخرخر
حدرنا وحاطن لنا قدوعن من كل شكل وبعد القهوه على طول قام ومادرينا الا الفطور بين يدينا رصيعات وزبده ومن
كل شي لما ملى السفرة <<< والله ياهو قرم هالاجودي
بعد الفطور قمنا نحتسي بالرجال وش السواة معه
قال عبدالرزاق الشوزل : روحوا نادوه وابتحدى انا وياه بميدان التحرير الي بوسط القصيعه
قال ابونديم :انا اقول ان الراي انك تغافله وهو مايدري
قال الشوزل : انتم هاتوه وشوفوا
قال ابونديم : طع شوري هذا محمد الطشت مايلعب معه
قال الشوزل : والله لأخلي طشته بانيو جيبوه بس <<<<< مهايطي من جد
وشيل وحط بين ابونديم والشوزل ويجيك يعاند الشوزل ويركب راسه <<< سيكل ذا موب راس
قال ابونديم بكيفك جاء ابونديم وارسل واحد لم محمد الطشت يواعده العصر بميدان التحرير يوم جاء العصر اللهم
صلي على النبي الا الميدان مليان اوادم اثر الخبرمنتشر وانتم تخبرون الربع ماهم شروفين قعدنا نحتري الطشت
الا يوم اقبل ووقف بنص الميدان ارسلنا له واحد قال الطشت وخروا عنه وخلوه يقابلن وخرنا عن الشوزل وتقابلوا
يناظرون بعض وبينهم يجي 30 متر استمروا على هالحال نص ساعه والناس تراقب والقلوب تدق وابونديم يروح
ويجي من القلق ولا صار شي وفجأه دق جوال الشوزل ويجيك يطلعه من جيبه ويحطه بذنه واول ماحطه وهو ينفجر
الا الشوزل طايرن هناك ويقوم يتدحوس بالارض ونشيله للمستشفى ويالله يمتسنونه ويوم طلع تقرير الدكتور الاه
مكتوبن به فتحه بالرأس قطرها اثنين سم (سانتي متر)واثنعش غرزه بالرأس وسقوط ثلاث ارباع الاذن اليسرى
الله يدفع البلى ويرقدونه اسبوع ونبلش به لما طلع وناخذه لم المزاحميه والضعيف هالحين متشوه ولايسمع باذنه
اليسرى
http://www.aboshdg.com/topupload/users/gnt/untitled.jpg
عبدالرزاق الشوزل بعد الخروج من المستشفى ويلاحظ سقوط ثلاث ارباع اذنه اليسرى
عاد حنا رجعنا للرياض بس عجزت انام الليل من كثر التفكير لأن الطشت يوم صقع الشوزل بوحده والشوزل
يتدحوس كنت اسمعه يهدد ابونديم ويقول والله لأقطع نسلك واعمي عينك عاد العمى يهون عند قطعة النسل كلش الا
ذي قلت انا لازم اشوف له مخرج وانا افكر قلت اكيد العلم الحديث لاقين حل لهالمشكله ويوم جاء من باتسر الصبح
واروح للسفارة اليابانيه وادخل على السفير وانخاه قال ابشر والله بالسعد وقال لي بعد حنا نعاني من هالمشكله بس به
مركز ابحاث عندنا يسوي دراسات واظنه لقى حل ويقوم ويتصل عليهم ويحاتسيهم بالموضوع قالوا اي والله به جهاز
بس لازم ترسلون لنا تقرير عن النحوت حتى نشوف هو ينفع معه الجهاز والا لاويوم ارسلنا لهم التقرير قالوا ماينفع
معه الجهاز لأن الطشت قوته سبع درجات على مقياس رختر والجهاز ماينفع الا لأربع درجات وتحت ويوم سمعت
هالهرج ضاقت علي الوسيعه وطقن تكاك وتسددت بوجهي ورجعت للبيت وانا مأيس اني القى حل
http://www.aboshdg.com/topupload/users/gnt/00023852.jpg
صورة لأحد اعضاء مركز الابحاث الياباني وهو يقوم بعض طريقه تشغيل الجهاز
**************
الفصل الثاني
دخلت البيت وانا ضايقن صدري واول ما انجطلت بالفراش الا يوم دق الجوال واقوم ارد عليه الاه صوتن ما اعرفه
سلم وسولف شوي
قلت : من معي
قال : السفير البلغاري فلادمير شاريتوف
قلت :هلا حياك الله يا ابو شاريتوف سم آمر
قال : مايامر عليك عدو بس انا قبل شوي اسولف مع السفير الياباني وعلمن بسالفتكم
قلت : طيب وش عندك
قال :عندي الحل
قلت : وشو الحل
قال : اسمع انا جوالي سوى وهالحين بينتهي الشحن بس انت تعال عندي بالسفارة الساعه ثنتين بالليل وانا اعلمك
وش الحل
قلت : طيب تم
مير يوم سكر السماعه ويجين ابليس ويلعب بي قال وشلون تصدقه وان تسانه يبي يسوي بك شي شين واقوم واناظر
وجهي بالمرايه قلت وين والله لو الناس خلصوا قال ابليس ترى الناس اذواق وبعدين ليش الساعة ثنتين ويوم قال تسذا
وانا يدخلن الماء قلت اي والله ليه وافكر قلت بس انا لازم اروح عشان ابونديم وادور حل وتطري علي هاك الفكرة وانا
انقز على طول لم محلات مواد البناء واشتري سلسله ربع متر وقفل اصفر وانا الفه على الربدزه واقفله قلت ايه هالحين
اروح وانا مرتاح ويوم جت الساعه وحده ونص وانا اروح لم السفاره ويوم اقبلت عليه ويجين ابليس قال فرحن بسلستك
يالكمخه قلت وراه قال هالقفل يكسرونه بمفتاح العجل قلت افا اي والله اني مافكرت بكسرت القفل بس وش السواة هالحين
كل المحلات مسكرات واقعد افكر شوي قلت مافيه حل الا اتصل على ابوحنش وانا ادق عليه ويرد
قلت : السلام عليكم وينك ابوحنش
قال : بالمقهى وش عندك
قلت : لقيت لي حل لموضوع ابونديم بس ابيك ضروري هالحين تجين بحي الرائد عند السفارة البلغاريه
قال :وشو الحل
قلت : مدري بس السفير البلغاري دق علي يقول ان عنده حل
قال : طيب عشر دقايق وانا عندك
طوط . . . طوط ..
وعشر دقايق الاه عندي ونجي لم السفارة البلغاريه الا الباب مفتوح ولمبة الحوش مولعه وريحة الهيل واصلتن اخر
الشارع ونطق الباب ويرد علينا واحدن بالحوش قال اقلطوا حياكم الله ونقلط ونسلم عليه الاه حاطن المعاميل بجنبه
والدله على الضو
قال : انت جنط السفينه
قلت : اي والله وهذا علي ابورجل مسلوخه (اطال الله بقاءه)
قال : حياكم الله معكم ابوشاريتوف
قلنا : هلا بك تحيا وتدوم
وبدينا نسولف الا يوم زانت العلوم وبدينا بالقصيد وعلوم العرب ويستلمنا ابوشاريتوف سواليف ولا وقف الا يوم اذن
الاول (طلع ملجلج ابوشاريتوف)قلنا طال عمرك حنا نبي نسري هالحين بس تراك ماعلمتنا بالحل الي عندك
قال : اي والله أخذتنا السواليف (والله ماهوب منك من الي براسك)بس دوكم الحل هذا طول الله اعماركم عندنا
قريتن ببلغاريا به بحيرتن صغيره هالبحيره ماهي بحيره ماء
قلت : اجل وشو
قال : جايك بالحتسي لاتستعجل ,هالبحيره به (ودتسه)والناس مسمينه بحيره الودتسه السحريه لأنه سلمكم الله الي
يطب به مره ويملط كل جسمه بهالودتسه خلاص يصير عنده مناعه عن العين ولا يقدر اطلق نحوت انه يسوي به شي
قلت : احلف
قال : قسم بالله
قال ابوحنش : هذا والله عز الطلب عطنا العنوان يا ابوشاريتوف
طلع السيد فلاديمير ورقه وكتب به العنوان واول ماخلص كاتبه الا يوم اذن التالي قلنا حنا نستأذنك ياطويل العمر
قال : حافظكم الله وجوالي معكم لابغيتوا شي
ونروح نصلي الفجر واول ماطلعنا من المسجد وندق على ابونديم قلنا ابشر لقينا لك حل بس المشكله انه ببلغاريا قال
مايخالف والله لوه بعرعر(هالقروي ماعمره تعدى القصيعه)قلنا يارجال اي عرعر بس انت تعال للرياض هالحين
ترى طيارتنا العصر ويوم جت الساعه عشر الصبح الا ابونديم بالرياض رحنا استقبلناه بمواقف التكاسي الي بالبطحا
وقعدنا نسولف شوي قلنا مجهزن عمرك يا ابونديم انتبه لاتصير ناسين شي
قال :لا ابد العزبه والمه والمطرحه جبته عن البرد بس انهم يقولون انه لازم نمر وزارة (الطالعيه)عشان ناخذ (افيز)
قلنا : وش طالعيته
قال : وزارة الطالعيه ماتعرفونه
قلنا : غلطان يا ابونديم مابه وزاره اسمه الطالعيه
قال : انا اكاليوم سامعن بالرادو يقولون صرح وزير الطالعيه السعودي حتى اسمه بعد مرزوق الفيصل
قال ابوحنش : مافيه من عيال الفيصل ماسكن وزارة الا خالد يمكنه يعني وزارة الخارجيه
قال ابونديم : ايه عسى ابوك للجنه هذا هي
http://www.graaam.com/up/Pic7/95957f8345.jpg
المطرحه الي جايبه معه من القصيعه يالله اقنعناه يخليه بملحقنا لما نرجع
قعدنا نضحك على هالقروي وقلنا له ماهوب لازم نمره بس لازم نشتري ترنقات قبل يذن الظهر
قال : وش الترنقات
قلت : تكاميل يعني بدلات زي الاجانب
قال : معصي انا مانيب فاصخن ثوبي لو تعطونن عشرت اصطول ونانه
قلنا : اصلا مايسمحون لنا ندخل ديرتهم الا لما نلبس ترنقات
اخيرا اقتنع ابونديم وعاد حنا بالبطحا قلنا نبي نستغل الوقت خلونا نتفرق وكلن يشتري على ذوقه ولأذن الظهر الوعد
عند المسجد الي ورى فندق البطحا تفرقنا وتقضينا ويوم اذن تقابلت انا وابوحنش ورحنا لم المسجد وحنا مقبلين على
المسجد الا وش نشوف ابونديم يتهاوش مع واحدن حمرن خدوده تلمع من بعيد ونجي لمهم مسرعين الا اللبناني
يقول : انت مابتفهم خيوي انا مسيحي مابصلي هون
قال ابونديم : وهمن عاد هذاي انا من القصيعه واصلي بذا ، يالله قم يالسرسري
ونجي ونفكهم قلنا يا ابونديم الرجال اصلا كافر مايصلي مثل المسلمين قال ابونديم وشلون كافر بالسعوديه قلنا يارجال
خل نروح نصلي بس لاتفوتنا الصلاة رحنا وصلينا ويوم طلعنا رحنا للبيت وكلن معه اكياسه ويم دخلنا البيت قعدنا شوي
همن تغدينا ويوم شبعنا قلت هاه وش شريتوا يا اخوان قام ابوحنش وجاب اغراضه الاه شارين ترنقات يمشن الحال
تخبرون ذوق عربجي قلت هاه يا ابونديم وش شريت ويقوم يجيب كيسه ويطلع اغراضه الا وش تشوف عينك طلع
الرجال شارين بجامتين انقليزيات مثل الي يومنه يروح مع المنتخب وحدتن لونه ابيض ووحدتن لونه اشهب مثل لونه
قلت: الله يغربلك وش ذا
قال :وش بك ماهن زينات
قلت: ذولي بجامات ماهن بترنقات
قال :هذا ذوقي عاد وبعدين انت وش دخلت كل عمري لاجيت اكشخ البسهن
قلت :لا والله النكبه هالحين سكرالسوق وحنا طيارتنا العصر لا حول ولاقوة الا بالله
قال ابوحنش :خله بكيفه
قلت: هذا الراي
قال :ايه هذا الراي بس خله ينتبه لفتحة السروال هي من قدام والا من ورى ماهو يجيب العيد زي هاك اليوم
جاء العصر وحنا ناخذ ليموزين ونروح للمطار ويوم قرب موعد الاقلاع بدا ابونديم يطري النخل وانه ناسين السادزي
على النخلة القصيا اثره يوم شاف الطياره ذل ووده يرجع بس مستحي مير يوم جينا نبي نركب الطياره ويعيي لا يركب
فضحنا قدام العالم ويالله نركبه بالغصب ونركب الطياره وعلى طول ينام ونطير لنا ساعه واربعين دقيقه ويوم نزلنا
المطار وحنا نقومه وننزل من الطياره وناخذ لنا مترجم وعلى طول نروح لمحطة الباصات قلنا نبي القريه الي به بحيره
الودتسه السحريه قالو ماهنا باصن يروح لهاك القريه الا باتسر الضحى قال ابوحنش اجل خلونا ناخذ فندق نريح الليله
وباتسر نروح للقريه قلنا مايخالف رحنا اخذنا لنا فندق وجلسنا به يوم جت الساعه احدعش بالليل قام ابوحنش يلمح ناوين
يسوي له بلا قال ياجماعه بدل جلستنا بذا وش رايكم نروح نتمشى ونشوف عروض الفنون الموسيقيه البلغاريه (يبي
يروح لمرقص السربوت) قلنا خله بعدين يوم قعدنا شوي
قال ابوحنش :وش رايكم نعطبها بدل جلستنا تسذا فاضين
قال ابونديم :وشلون نعطبها
قال ابوحنش:يعني نشرب نبيذ (على بال امه يبي يلطف التسلمه)
قال ابونديم :لا مايجوز اتقي الله يا ابوحنش (ترى ابونديم هو امامنا بالرحله)
مير يستحي ابوحنش ونجيك ننام وماقمنا الا باتسر الصبح ويوم قمنا قال ابونديم روحوا انا ابلبس واجيكم نزلنا انا
وابوحنش والمترجم تحت نحتريه الا يوم جاء الا وش تشوف عينك طلع الرجال لابسن البجامه الي لونه اشهب وهو
لونه اشهب الا يوم طلع تقل مصلوخ لاوبعد من زين العلوم ضيقه البجامه وجاي واثق والناس تناظره وتضحك وبه
بنات مطلعاتن جوالاتهن يصورنه وهو يتمشى ولا تسنه مسوين شي المهم جانا وركبنا الباص ورحنا للقريه وصلنا
يجي الساحه احدعش وننزل ونسوي قهوتنا ويقوم المترجم يذري (يذري يعني يغطيه عن اعين الناس)لأبونديم وهو
يفصخ البجامه ويلبس سروال السباحه الي عطاهياه ناصر الجوهر يوم انه مع المنتخب ويطب بالبحيره ويقعد يمطرس
له ثلاث ساعات
http://www.aboshdg.com/topupload/users/gnt/00017678.jpg
ابونديم في لحظة استرخاء تام
http://www.aboshdg.com/topupload/users/gnt/Recovered_JPEG_1399.jpg
ابونديم وهو يمطرس
ويوم خلص وهو يطلع ويغسل جسمه بالماء ويقعد معنا يتقهوى قلنا يالله خلونا نرجع عشان نحجز للرياض وحنا
راجعين الا هاك الشاليهات على الطريق ماهنا احسن منهن قلن وش رايكم نخلي راعي التكسي يوقفنا شوي
نطافش قالوا العيال قدام قلنا له وقف بذا الا يوم قعد يضحك همن وقف نزلنا حنا ورحنا للبوابه قلنا بكم الدخول
قال بثلاثين دولار قال ابونديم الله يديم الرخص الله مير يعز الحكومه قام البواب قص لنا كرت دخول همن
قال : يالله فصخوا
ويجيك ابونديم ويطلع سروال السباحه بيلبسه
قال البواب: لا ممنوع سروال السباحه
قال ابونديم :وراه اجل وش نلبس
قال البواب : ماتلبس شي تدخل سلط ملط
قال ابونديم :معصي يالسرسري
قال البواب :عاد هذا شرطنا تراكم هالحين بشاطي العراه
قال ابونديم :الشرط الي يخالف الشرع باطل وحنا ماعلينا منك نبي ندخل بسراويل
قال البواب : تبون تسذا والا ناديت البوديقاردات يمسحون بكم الارض
قلنا : لا والله السلامه غنيمه
ونرجع ركض للتاكسي الاه ميتن ضحك قلنا الله لايبارتس بك يومك تدري وش السالفه ورى ماعلمتنا يالله ودنا
للمطار ونروح للمطار ونركب اول طياره وللرياض على طول ويوم نزلنا بالمطار
قال ابونديم:يالله انا ابروح للقصيعه ولهن على البقره وابفجر السادزى على الرشوديه الي بجنب البرتسه
قال ابوحنش : انا اقول الراي انك ماتخاطر وتروح قبل ماتأكد انه خلاص صار عندك مناعه
قلت : اي والله انك صادز بس وشلون
قال ابوحنش : خلوا نروح لعبدالرزاق الشوزل نخليه يجرب مفعول الودتسه
رحنا لم الشوزل بالمزاحميه ودخلنا عليه وعلمناه الموضوع قال يالله خل نجرب ويجيك يحاول انه ينحت بيالتن خلينا
ابونديم يمسكه مير عجز عنه قلنا اي والله ان العلاج ناجح هالحين يا ابونديم رح للقصيعه الله يسهل لك امرك
راح ابونديم للقصيعه وجمع الناس بميدان التحرير وقعد يتحدى الطشت والطشت يحاول انه ينحته وعجز مير يتحطم
الطشت وتطيح سمعته وخلاص هالحين ما احد يخاف منه ولامر قاموا البزران يحلتون عليه حصى واخر علمي به
انه جته حاله نفسيه وصار انطوائي ولا يحاتسي احد ولا يجيه احد والآن ابونديم هو رجل القصيعه الاول وله شعبيتن
جارفه ويعيش بأمن وسلام وراحة بال .
خلاص انتهت
دمتم بأحلى ابتسامة
أحسن واحد بالعالم
د. جنط السفينة
ش1