منتدى السواليف وتوسعة الصدر > متخــــــرمات جنطيــــــة

[د. جنط السفينة]

هذا الموضوع هو اصلا مقدمه لموضوعي الجديد بس يوم شفت المقدمه بهالطول قلت انزله بموضوع خاص
عشان آخذ راحتي بالموضوع الجاي ان شاء الله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
بسم الله الرحمن الرحيم

http://www.b5b5.org/uploads/1aebaef363.jpg (http://www.b5b5.org)

يلعن ابوتس من الترف والنعومه * * * كن النسا مسترجله من حواليك

عمتم مساءً ايها القوم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ


متخرمات جنطيه <<<<<<<<< زحف قليل الدسم


يا جماعه الخير ماهيب حاله الي ان عايشن به آهـ انا وش جابن بهاك السوق الله لايبارتس
بشامبو العجز ذاك الاحمر هو السبب رحت ابشتريه لجدتي من العطارين الي هناك اثري شفت
هاك الغزال الاسمر الفتان وانا من هاك اليوم وحالتي حاله حتى انه بدت تظهر علي تغيرات
اول مره تصير صرت كل شوي امر العطارين الي بسوق حجاب وكل يوم مشترن لي بلن ما
ادري وشو مره اشتري حلبه ومرة خوا جوا (والله ياعليه اسم بعد مدري وش يبي احس ان الي
مسميه كان محشش هاك اليوم) وتعرفت على ناس جدد واحد اسمه وليد والثاني اسمه تركي
ارقام جوالاتهم مميزة وسياراتهم كورد عقب قرقيز وعلي ابورجل مسلوخه هو والتسعاوي حقه
و عقب الجلافه صرت ناعم شوي والله يستر بس من تواليه لأقعد باتسر البس لبس حريم وارقص
بحفلات الشكشكه الي تصير بهالاستراحات

المهم اني امر بمرحلة تحول قويه والله يستر علي بس حتى اني بتسع ايام تروشت مرتين وهالحركه
او مرة اسويه بحياتي بالعادة من عيد لعيد او كل ميه وسبع وستين يوم مرة هاللي يودعن ذالن على
نفسي حتى اكاليوم دقت علي زميلتنا العزيزة الملقوفه واسولف انا واياه عن الموضات والميك اب
قالت : ورى ماتجي عندنا تاخذ لك حمام شمس
قلت : اجي عندكم وينهوبه
قالت :بالثقبه
قلت :وش فايدته حمام الشمس
قالت : يخلي جسمك برونزي
قلت :تم ابد ثلاث ساعات وانا عندكم
وانا الصراحه ما ادري وش معنى برونزي بس توقعته يعني اصير طويل شوي المهم مريت قرقيز
المملوح واخذته معي ومشينا يوم اقبلنا على الشرقيه ونوقف عند هاك المحطه نبي نصلي المغرب
الا هاك الرجل الطيب جالسن لحاله يتقهوى قال تقهووا وحنا ما صدقنا خبر على طول قلطنا
واخذتنا السواليف شوي
قال : الا انتم وش عندكم بالشرقيه
قلت :ابد رايحين للثقبه نبي ناخذ لنا حمام شمس
قال :بس الثقبه مابه بحر
قلت :تستهبل
قال : لا قسم بالله مابه بحر مير اقصروا العنوه وارجعوا
واشاور قرقيز وهو عاد المنطلدز كل شي عنده قدام ويوم صلينا المغرب وحنا نرجع للرياض
هالحتسي صار يوم الاحد ويوم جاء باتسر من تخبرون ان فيه اجتماع مجلس الوزراء عاد
وحنا مجتمعين (ثبت نفسه) واتلفت واناظر الي بجنبي الاه معالي الوزير عبيد الكحلي
وزير (وزارة الالوان والسباكه) مير اسلم عليه ونسولف شوي
قلت : يوم الله جابك وشو البرونزي
قال : قال هذا لون اقرب ماله الاشهب
قلت : اها ومعنيتنا هالملقوفه ثلاث مية كيلو عشان نصير شهبان اصلا انا اشهب من
طلعت من الوكاله صدز انه ملقوفه
ويوم جاء بالليل وانا اجتمع انا وعلي ابو رجل مسلوخه (حفظه الله)واقعد اشكيله الغرام
قال : على حتسيك ذا هي من تشبه
قلت : ابد تسنك شايفن العلجه برتني سبيرس
قال :وشي ذي
قلت :ابد وحدتن تشبه نعومي كامبل
على طاري هالعبده والله ياهي قاهرتن عبدتن سودا والله ان فييرا لاعب فرنسا احلى منه ومع
تسذا جمهور وفلوس واعلام بس هذا والله الي يرفع معنويات بعض الناس الي عندنا مثل الاخت
غرابيل واختنا في الله سونونو صدز انهن شيف بس دام ذي لقت من يعجب به فهن ان شاء الله
بيلقن الله يرزقعن من يضفهن والله اني راحمهن اكاليوم وحدتن منهن ماودي اعلمكم اسمه بس
تسانكم ضغطتوا علي ابقول انه سونونو ابلشتن يوم شافت صورة فرج فراوله الله يذكره بالخير
كل شوي تقول طرن عنده طرن عنده وانا اصرفه بس مايفيد به انا والله راحمن الرجال وماودي
اغشه بعد تقعد كل ماقاله شي قالت اكاليوم سويت لك شاهي وكاليوم تسويت اشماغك منانه الله
يصلحه اكاليوم سوت توقيع لواحد وذلته ذل بكل موضوع ناقزتن له التوقيع والتوقيع ودامنا
نسولف عن الشيف ماحنا بناسين الاخت هايدي تراه من الطقه

وعلى طاري هايدي تدرون وش اكتشفت اليوم اكتشفت ان شانشيرو يصير جد ابطال الديجتال
وانامتأكد من هالهرج والي علمن بهالسالفه مصدر مسؤول (راح الولد) يقول سلمكم الله ان
شانشيرو اصله ياباني بس جاوه انتداب لفرانكفورت الي به جبال الالب الي ورى الدوادمي
بسبع طعش كيلو ويوم راح بذاك تعرف على جد هايدي وطاحت الميانه بينهم وبدوا كل ما صار
امسيان اجتمعوا يتقهوون يومن عند ذا ويومن عند ذاك وتجيك السلقه هايدي وتستغل الفرصه
وتبدا كل عصريه تطلع مع بيتر تمشي ودوجه وجاك يوم من الايام وهم بدكتور كيف اخذتهم
الرومانصيه شوي ويقومون يشربون من كاس واحد هي بشفاط وهو بشفاط ويجيك واحد
ويصورهم بالجوال وينشر المقطع ويطيح المقطع بيد جد هايدي وهالشايب ماعنده لف ودوران
ويجيك يدخل عليه بعد صلاة المغرب بشوي قال يالله يابنت تزيني ترى عرستس بعد صلاة
الاخير دنقت هي وسوت نفسه مستحيه وهي وده تنقز من الفرحه(زي بعض الناس الي عندنا )
وهي يوم تستانس تحسب الي يبي ياخذه بيتر
قالت : منهو ياجدي
قال : الاستاذ شانشيرو
ويجي يغمى عليه قال الشايب لامن خلصتي هالفلم تجهزي ترى ماهن مفر ويوم شافت هالشايب
جازم قالت العوض ولا القطيعه وتقوم وتزين وبعد صلاة الاخير يدخل عليه وبعد كم يوم وينتهي
انتدابه ويجي ياخذه معه لليابان وجابوا عيالن واجد وهالي تشفون ابطال الدجتل تراهم عيال
شانشيرو وهايدي حتى بعد تشوف بعض ابطال الديجتل خكيري وناعم ويحط له قصيصه لامنك
شفت الي يسوي تسذا منهم فاعرف انه طالعن على امه هايدي
وراكم
تسنكم ما انتم مصدقين
عاد ذا ماهوب هرجي ذا هرج الحكومه
تبي تصدق صدق ما انت مصدق بكيفك ترى الحاير مفتحتن ابوابه
ـــــــــــــــــــــــــــــــــــــــــ

http://www.b5b5.org/uploads/c5dbda656a.jpg (http://www.b5b5.org)

نفسي ومنى عيني وحلم من احلام حياتي اني اعرف وش تنتهي عليه قصه هاك الذيب الاشهب
الي بافلام كرتون الي يلاحق العصفور المعصقل ( بيب بيب ) هالذيب الاشهب يخطط
ويضبط الوضع همن تفشل الخطه لأسباب خارجه عن السيطرة انا والله متحيرن وراه تفشل
خططه لكن سمعت الناس يقولون وانا ادخل على الله مااحط شي بذمتي يقولون انه كان عاق
يومنه صغير وان امه دعت عليه وصلط الله عليه هالعصفورلكن تسان تبون الصدز هو حمار
بعد يعني مافيه غير ذا العصفور تسان بدل هالمعدات الي ينفذ بهن الخطط زرق لشوايه الخليج
واخذ له نص دجاجه مع الرز بتسع تريل واخذ له حمضيات يدفع به وريح عمره وريحنا معه
اقلقنا كل شوي جايبن العيد .

ـــــــــــــــــــــــــــــــــــــ

اشوى اني ماني بس اي والله الحمد لله قبل كم يوم راجعن من صلاة الفجر الا هاك البس الي
يركض وينطنط ويناقز بدائره قطرها متر ونص فاذا ضربنا الطول بالارتفاع كم يطلع طول
متوازي الاضلاع اذا كان طريق الرياض القصيم طوله (333) كيلو <<<< اقول
ما انت بعاقل يا فيثاغورس
المهم هالبس يناقز ويركض قلت انا ابشوف وش عنده اثره الحقير القذر يلاحق له صرصور
(يع يع ابي امي ابي ابوي ابي زوجي ابي ابوشدز)يبي ياكله يوم شفت الدعوه تسذا طاحوا
كل البساس من عيني
اي والله الحمد لله اني ماني بس والا تسان ماهنا انترنت ولا يصير لي صديق اسمه ابونديم صدق
ان البساس يفلونها لاجت الشبط بس والله ماتسوى هالفله اذا قارناه بضربة زبيريه والا دعسة
سيارة بالشارع العام

http://www.b5b5.org/uploads/c0a56326dd.gif (http://www.b5b5.org)

البس الحقير الي انا اقولكم يقول ماتبي عرشه
ــــــــــــــــــــــــــــــــــــــــــ
يا جماعه الخير انا متشطبن راسي اليوم المغرب رحت لبيت اختي مادريت الا يوم جابوا لي
سنبوسه انا هالحين ما ادري هم يصومون على توقيت اندنوسيا والا ان رمضان دخل بس ما
علمتنا الحكومه والله مالهم داعي ورى ما ارسلوا لنا حدا هالوزرا الفاضين يعلمنا



.