احــم احــم يـاولــد تـغـطـن يـابـنـات ابــدخـــــــل +++++++++++++ مسابقة تصميم

[د. جنط السفينة]

بسم الله الرحمن الرحيم

المهره

المهره

دوتس الجلال

احلتيه على مون خليه تغطى

ابدخل

مساكم الله بالخير

كل عام وانت بخير

والله يتقبل منا ومنكم صالح الاعمال


هالكلام مقتبس من موضوع الوداع عشان ما احد يجي يقول وش رجعه ذا والصراحه انا فاضي هاليومين
وعندي كم موضوع قلت ابدخل اوسع صدري معكم

المهم الطيار الي قسم الله انه تكون رحلتي على طيارته كان معطبه يوم يوصل الرياض ومسكت معه غلط
انه يوقع بالمخطط الي ورى كبري الفحص ويوم وقع بالطيارة مير ينفقع كفر الطيارة الي قدام ونجي
نبي نفك الكفر الا الطيارة مابه عفريته ونجي نوقفه على بلك وراحوا اثنين من المضيفين يدورون كفر
يشترونه ولا لقوا الا بالغرابي وهمن يوم رجعوا وركبناه جينا بنطير مير ينقطع سير الدينمو ولما هالحين
يدورون سير والظاهر انهم مهم لاقين عاد انا قلت دامي فاضي وراه ما اقعد اتذكر ايام الطفوله واجي
اروح ادور باغراضي القديمه والقى صورتين لي وانا عمري يمكن ثلاث طعش يوم شفت الصور ماصدقت
قلت معقوله ذا انا يومني صغير واخذ الصور معي بجيبي وكل من قابلته وريته الصور وابلشت العالم به
حتى هندي بقالة حارتنا عبدالجليل ابلشت امه بالصور اخر شي طلع جواله (العنيد) واخذا صورة مني
وصورها وقال ابحطه خلفيه للجوال ويم جيت من باتسر الاه طابعن الصورة ومكبرة وحاطها بالبقاله عشان
بس يرتاح من ازعاجي المهم قلت بنصمم هالصورة ونخربش به شوي بهالبرامج خربشنا به بالفوتوشوب بس
ماش ماطلعت مثل الي ابي تخبرون الذوق خرابيط وتنسيق الالوان مثل وجه القذافي وانا محتاجن لي تصميم
والا شي من هالقبيل قلت ورى ما اروح للمنتدى دامي فاضي واسلم عليهم << ايه هين جابته المصالح
قلت دامي فاضي بسلم عليكم واعرض عليكم هالصورتين غدي الله يرزقنا واحدن منكم يسوي لنا تصميمن
روعه وعاد الي يشوف منكم المصمم فهد يسلم لي عليه ويقول معك زيت بريك والي يشوف بنت السليم يقول
له تسلم عليتس ام الجنط وتقول الله يخليتس ارسلي لنا شوي ودتسه نبي نسوي الغدا << مايعرف يتمصلح
هذي الصورتين معهن التصميم الي يسد النفس عاد مشكله الصور انهن ماهن بواضحات يعني يبن واحدن يتفرنك
عليهن الله لايهينكم وترى الحتسي صدز وراصدين جوايز عظيمه


http://www.graaam.com/up/Pic7/8cc9a814fd.jpg

http://www.graaam.com/up/Pic7/2385ee5716.jpg

http://www.graaam.com/up/Pic7/b545ac783a.jpg

الجوايز :
1-نحطك مشرف بدال ابوشدز لأني ناوين اعطيه باند
2-اعطيك دورة بمعرفي لمدة اسبوع << سيكل ذا ماهوب معرف
3- تسانك من الي يحبون العنف نجيب لك بندر المطيري وابوجلمبو تصطرهم على كيفك وتسانك ما انت من
اهل العنف فتقدر تستغلهم يعني كزكزهم مشاوير بعيده تقص الظهر مثل تكون ساكن بالروضه ترسلهم للشفاء
يجيبون لك غدا من شوايه الخليج مع ان فيه وحده بالروضه بس قل انا احب الي بالشفاء همن لاجوا ارسلهم يجيبون
مشروبات غازيه << ايقاله مايبي يسوي دعايه
قلهم يجيبون لك مشروبات من المروج وهكذا

المهم ترى الحتسي عن التصاميم صدزي
صدز انا محتاج لي تصميمين يفتحن النفس

http://www.graaam.com/up/Pic7/ee94706687.jpg

عشان ما احد يقول تسذب العنيد مابه كاميرا هذا جوال عبدالجليل

عموما هالموضوع اصلا اعلان عوده ولو مؤقته وانتظروا موضوعي الجديد قريبا ان شاء الله
قصتي مع قبيله السراسره
ودمتم بود

اخوكم ياسر (qq168)

.