مرحبا باللي باللي مراميعه قياس..ياهلا بك يالغلا يامرحبا..حله المبدع ابوعامر

[مستور]

السلام عليكم

لغز من الوزن الخفيف

مرحبا باللي مراميعه قياس=ياهلا بك يالغلا يامرحبا
ويش عود لو يحل بالحال ياس=ياخذ اسمٍ عن فطينٍ ماخبا
والعجيبه لو تحط الذيل راس= اصبح الماخوذ في سن الصبا


تحيتي وتقديري للجميع

[noor]

صح لساااانك

جاري التفكيررر

[مستور]

صح لساااانك

جاري التفكيررر

صح بدنك ومكسب انك مارمعتيه لغاية الآن
تحيتي لك

[ابوشدق]

الجلنبو
صح لسانك ابوماجد والله لايضرك بشر

[مستور]

مرحبا بك يابو شدق
شرفتني بطلتك الحلوه
الجلنبو ماحان لغزه
تحيتي لك

[mr.nana]

صح لسانك هو العقل (المخ)
انا قلته على البيت الاخير

[المُهرة]

وعليكم السلام ورحمة الله وبركاته
صح لسانك وبيض الله وجهك يامبدعنا
كـ العادة .. جاري خض التنكة
==

[noor]

فكروا زين ترا تعبت
):(

[مستور]

صح لسانك هو العقل (المخ)
انا قلته على البيت الاخير

ياهلا ويامرحبا
صح بدنك والرمعه ماصابت الحل
تحيتي لك وتقديري

[مستور]

وعليكم السلام ورحمة الله وبركاته
صح لسانك وبيض الله وجهك يامبدعنا
كـ العادة .. جاري خض التنكة
==

صح بدنك وشرفني مرورك
انتظر مرماعك
تحيتي لك وتقديري

[مستور]

فكروا زين ترا تعبت
):(

توقعت ان اللغز ينحل من اول مرماع ولكن الحمدلله تأخرت رمعته
تحيتي لك وتقديري

[الغلا كله]

صح لسانك يا مستور ..

وعساك على القوة ..

بأحلله مثل ماشفتكم تحللون اللغز اللى قبله .. بس تحملني ..

الوصف يبدا من البيت الثاني صح ..

وهو شي يحل بالجسم ويصيبه بالياس .. يمكنه مرض يسبب النحول ..؟؟

له اسم معروف مايجهله الفطين ..

ولو قلبت حروف الاسم .. يعطيك معنى يدل على الصبا والشباب وهذا عكس البيت اللى قبله ..

شرايك .. صح التفكير والا غلط ؟؟

[مستور]

الغلا كله
صح لسانك وتحليلك للغز ماشاء الله عليك سليم
ولكن ليس بالضروره يكون مرض او جزء في الجسم والمطلوب يكون بسن الصبا اذا اصبح الذيل راس اي الحرف الاخير يكون الاول من دون ان تقلب الحروف
تحيتي لك وتقديري

[الغلا كله]

فهمت ..

يعنى الحال مو بالضرورة الجسم .. يمكن وضع الانسان في الحياة ..

زى الفقر مثلا ..

[مستور]

هلا بك اختي الغلا كله
ولاتنسين ليس مطلوب عكس الكلمه ولكن المطلوب جعل الحرف الاخير اولاً بدون المساس ببقية الحروف
تحيتي لك

[الغلا كله]

ماشاء الله عليك يا مستور ..

صح الذيل مايعني عكس الكلمه كلها ..

جاري التفكير لعل وعسى ..

[مستور]

ماشاء الله عليك يا مستور ..

صح الذيل مايعني عكس الكلمه كلها ..

جاري التفكير لعل وعسى ..

ياهلا بك وانا بنتظار مرماعك
تحيتي لك

[أبوعامر]

مستور الله بيض وجهك

وش رايك

بكلمة

ورع

عور

[مستور]

مستور الله بيض وجهك

وش رايك

بكلمة

ورع

عور

والوجه يالغلا
خلك على المنوال بالرمعه ولكن تراك ماصدت المعنى المطلوب والمعنى المطلوب متناقضين عود ويصبح بسن الصبا
وورع صحيح بسن الصبا ولكن عور لاتعني عود
انتظر محاولتك القادمه والظاهر تبي تذبحه ماشاء الله عليك
تحيتي لك

[أبوعامر]

طيب

مهر

هرم

شكلي خربتها

[الغلا كله]

< وجه حاط ايده على خده يتابع بوعامر ض4

[أبوعامر]

< وجه حاط ايده على خده يتابع بوعامر ض4

يالله ادلي بدلوك

ترى سهلة على قدنا

مثل ما قال مستور

[مستور]

طيب

مهر

هرم

شكلي خربتها

ماخيبت ظني فيك يابو عامر

جبتها يالغلا جبتها

كفو ياذيبان
نعم هرم يمكن تقال للحصان الكبيرالعود العاجز وتصبح مهر
للحصان الصغير

بيض الله وجهك

[الغلا كله]

ماشاء الله عليك يابو عامر ..

جبتها ربي يحفظك ..

صح لسانك يا مستور ماقصرت ..

لغز دووخ براسي وهو بسيط ..

عساكم على القوة يارب

[أبوعامر]

الله يبض وجهك يابوماجد

[أبوعامر]

الغلا الله يسعدك

انت فككتي لنا اللغز من البداية

[مستور]

ماشاء الله عليك يابو عامر ..

جبتها ربي يحفظك ..

صح لسانك يا مستور ماقصرت ..

لغز دووخ براسي وهو بسيط ..

عساكم على القوة يارب

صح بدنك
واللغز ماهو صعب ولكن فهمك للمطلوب بالخطأ يمكن هو اللي دوخك
تحيتي لك وتقديري

[noor]

ماشاء الله عليكم
هنا درس تفكيك الالغاز

يامال العافيه يامستور
وبيض الله وجهك ابو عامر
والغلا اقصرت

[مستور]

ماشاء الله عليكم
هنا درس تفكيك الالغاز

يامال العافيه يامستور
وبيض الله وجهك ابو عامر
والغلا اقصرت

مرحبا بك والله يعافيك
تحيتي لك وتقديري

[ابوشدق]

بطرف اصبعي ابكتبه << ياتسذبه ياناس
ماشاء الله عليك يابوعامر مادخلت لغز الا ذبحته
الله لايضرك بشر
ابوماجد لو ابتل اتكلم ماوصفت ولا ربع الوصف الي تستحقه
بيض الله وجهكك دنيا واخره

[مستور]

اخوي ابو شدق
الله يجزاك عنا الف خير للمتابعة والتشجيع
وانا مهما قدمت يبقى قليل بحق هالمنتدى اللي عرفنا على هالوجيه الطيبه
تحيتي لك وتقديري

[كاتم الونة]

كفووووووووووووو

يالغالي/ ابوعامر

الف مبرووووووووووووك

وصح قلبك استاذي/ مستور

المحب دائما

:)