قصة واقعية جميلة جدآ

[الاصهب]

سلام عليكم يالربع

هذا طال عمركم العام الماضي كنت قانص بالدهنا لمدة أسبوع وكان معي واحد من ربعي عزيز علي وأسمه خالد الفوزان والملقب بالحابوط وأحيانآ ندلعه بالشوير عاد وحنا قانصين كان الشوير من الناس اللي يقنص بعنف ويستمخ للمقناص وكنت أقنص معه في نفس السيارة وانا السواق عاد انتم خابرين إن السواق لازم يقنص شوي ويشوف الدرب شوي وانا جالس اتطوى وتلفز بين الشغايا شفت لي ظبي (بنت) جالسة ترعى الغنم وكانت تقربآ بعيدة تبعد عني تقريبآ شعفتين عاد قررت إني أخلي وجهه المقناص يم وجهت الغنم علشان نبي لنا طلي نذبحة ويوم قربت شفت الظبي من قريب وغرف قلبي وقمت بتغيير الوجهه وقررت إننا ما نشتري منها شي لأنها مزيونه وانا رجال أستحي من الشوير.
عاد قام وجهي يتقلب ويحمر وإلتفت علي الشوير وقال وشبك عسى ما شر قلت الشر ما يجيك طبعآ هو حس إن فيه شي والتفت وشاف الغنم وما شاف الظبي وحنا في هالموقف طلعت الأبيات اللي راح أقولها لكم وسندتها على الشوير علشان أبعد الشك والحوم وقلت فيها :


يالشوير الطير عيا بالــــــــعشا = ياحزامي مايبي ثنـدى الحمام
لا نقلته قام قلــــــــــبه يرهشا = كن في قلبـــــه تراعـيد الغمام
وإن تركته كل ريشــــــه ينفشا = يا عضيدي دوك كـــلي والحزام
دوك طيري كود عرفــــك ينعشا = تدري إن الطير له عندي مقام
والله إني ما قطــــعت به الرشا = بس أظن الطير طـــاويه الهيام
يمكن إن الحب في قلبه غشا = والبيوت إن طولت فيــــها عتام
من ظلام الليل والــذيب إنتشا = مير خله يالعتيبـــــي في قتام
إجعفه للطير والمــــعنى مشا = وأعرف إن الفص يزهــــاه الزمام


طبعآ الشوير ما مشت عليه السالفة وعرف وش المغزى وقال قوه نشري من راعيه الغنم طلي ولو تبي راعيه الطليان جبناها بفلوس وإلا بناموس والا بخشم الرشاش

ولكم خالص التحية

[noor]

وعليك السلام والرحمه
اايه هو صادز الاصهب
سالفه زينه بس مادري وش تبي

):(

[اخو الاصهب]

بيض الله وجهك يا صهيبان وعز الله إن الحابوط يستاهل ولا عمرك تذيهن عليه تراه يفك الأبيات ويعرف القصيد مظبوط وترى جدة الخامس تركي بن حميد

[المُهرة]

وعليكم السلام ورحمة الله وبركاته :veiledsmile2:
طيب يا صُهيب <<< بغت تكتب الرومي << الله يجعلك مثله :yes3:
حصلت لك الضبي مثل ماوعدك الشوير ض4

[الاصهب]

بغت تكتب الرومي

وش المعنى لاهنتي

[المُهرة]

تعرف الصحابي الجليل (( صهيب الرومي ))
هو المقصد بارك الله فيك
ماتشوفني اقول الله يجعلك مثله


هذاني جاوبت أنا على سؤالك
طيب جاوب أنت على سؤالي ):(

[الاصهب]

سلام عليكم أختي بالإسلام بارك الله فيك

والله يا المهره الشوير عرض الخدمة وانا رفعت خشمها وما رجعنا لراعيه الغنم واكتفيت بالقصيدة وابشرك بعدها بساعة رزقنا الله بخرب وهدينا عليه (النوايا طيبه وانا خوك:evilgrin:

[المُهرة]

وعليكم السلام ورحمة الله يافتى الإسلام
ايه النية لا انشخلت
انشخلت لك الدينا

تعرف وش معنى انشخلت هههههههههههههههههه

[ابوهتون]

يعني حبيتها ؟؟؟؟

[ابوهتون]

بيض الله وجهك يا صهيبان وعز الله إن الحابوط يستاهل ولا عمرك تذيهن عليه تراه يفك الأبيات ويعرف القصيد مظبوط وترى جدة الخامس تركي بن حميد


ياعيني عل يالانفتاح اللي كذا

الحين اخوك وقع بالغرام وانت تقول بيض الله وجهك؟؟؟

قم بسرعه علم اهلك وعمانك وخوالك وخل فضيحته في جلاجل:bigq1sgrin:

[اخو الاصهب]

رايك اعلم عليه بس اخوي اعرفه ثقيل ما يهزنه مثل الظباء خصوصا لاصار معه المذكور

[ابوهتون]

رايك اعلم عليه بس اخوي اعرفه ثقيل ما يهزنه مثل الظباء خصوصا لاصار معه المذكور


انت لاجيت تنقل السالفه لهم كبرها شوي


حط بهارات عاد مايحتاج احسك اكبر مولف قصص خياليه بس مابعد اكتشفوك

[اخو الاصهب]

احس يابو هتون انك تبي توهقن بهرجك بعدين وشلون اسوي اقتباس

[ابوهتون]

احس يابو هتون انك تبي توهقن بهرجك بعدين وشلون اسوي اقتباس


تبي تمسك المنتدي وماتعرف تسوي اقتباس>>>>مسكوها عليك الرجال

شف تحت الرد فيه خيارين واحد رد باقتباس والثاني مااذكره نسيته اضغط علي رد باقتباس

انت واخوك شفت لكم ردين توحي لي انكم ماقد دخلتو منتديات قبل هذا ابد

شكل ابوشدق خالكم وغاصبكم تشاركون :dance3:

[اخو الاصهب]

تبي تمسك المنتدي وماتعرف تسوي اقتباس>>>>مسكوها عليك الرجال

شف تحت الرد فيه خيارين واحد رد باقتباس والثاني مااذكره نسيته اضغط علي رد باقتباس

انت واخوك شفت لكم ردين توحي لي انكم ماقد دخلتو منتديات قبل هذا ابد

شكل ابوشدق خالكم وغاصبكم تشاركون :dance3:

الله يهديك ان ما اعرف للمنتديت بس تري نسيت وشلون اقتباس عمومن شكرن علي المعلومه

رح يابو هتون لمنتدي العذيه و شف صولات الاصهب ...... واخو الاصهب وتعال قلي وش رايك

[ابوهتون]

الله يهديك ان ما اعرف للمنتديت بس تري نسيت وشلون اقتباس عمومن شكرن علي المعلومه


وش دعوه امزح معك

من باب الميانه نطلت عليك

والمعلومه ياخي فدوه لك>>>صارت سلف ماعاد هيب معلومه

[اخو الاصهب]

تراي اداعبك يابوهتون اخون عزيز

[ابوهتون]

تراي اداعبك يابوهتون اخون عزيز


ايوه تداعبني

[فيصل]

الاصهب ...

تقنص على فرعون يا هامان ... من عرفتك و انت

اذا بدية تقنص و انت تسوق تنام :lazy: على باب السيارة ولا تصحي الا وانت متعلق بأرطاء ( شجرة ):055:

طبعا ربعك اللي معك بالمقناص كيف اذا فقدوك في المقناص يحصلونك

ما يبله كلام تنام على باب السيارة وهي تمشي ونص راسك طالع مع الدريشة و السعبولة تنقط

اللي حاب اقوله ((( ان اهل المقناص يقصون جرة الحباري و أخوياك يقصون جرة سعبولك:0121: ))

ولا و الشوير:stink: حقك هذا جامع بين المقناص والفطاير يعني مطور حاله مو مثلك يا الاصهب

اجل بتشري طلي :hungry: لا والله ما قلت الصدق اللي اعرفه عنك ايام المقناص تعيش على بسكوت ابو ميزان

ولا بعد يكون البسكوت تحت المرتبة من العام الماضي ..

[اخو الاصهب]

رحت وطي دري صهيبان يالعريس ياااااااااااااااااحزنك

[ابوشدق]

كخخخخخخخخخخخخخخخخخخخ

انا ودي اشوف هالشوير على باب يمين وذوليك يهزن

الاصهب شف فيصل وش يقول

يقول ماتشري طلي عايشن على بسكوت ابوميزان وتربصه بشاهي

وركبة بعير << يقول فيصل

[الاصهب]

اخوي العزيز العريس فيصل تحيه طيبه ياحبيلك .:0141:


هاتولي العريس فيصل اباشـــــــوف .......... وش سلفت بسكوت ديمه و ميــزان
هاتوه في صدري مراويس ودفــوف .......... هاتوه في راسي مقابيس بركــــــان
هاتوه قدامي ترى البيت مــــــردوف .......... جيبو ضعيف الحال والعرف نيشـان
ون ماحضر هالحين تعطونه اكفـوف .......... قولو ترى البسكوت ياهيه من شان
بزران بالصحراء مصاغير وضعوف .......... مايوم جبناهن علشــان فستـــــــان

[علوووش]

وش تقنصون بالدهناء

شكلكم تقنصون حطب خخخخخخخخخخخخ

والله من زين الريحه بالظبي اللي انت شايف

[اخو الاصهب]

وش تقنصون بالدهناء

شكلكم تقنصون حطب خخخخخخخخخخخخ

والله من زين الريحه بالظبي اللي انت شايف

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه

[ابوهتون]

***********************************

الأدارة