حمود المزيني
04-19-2008, 01:41 AM
http://www.aboshdg.com/topupload/users/alraqeh/nww.gif
ابوشدق
انا وش حيلتي يوم اتورط مهو انا الغلطان = لو انه غلطتي كان اعترف به واتحملها
جذبني وسط غبات البحور اللي بلا شطآن = لعب بي موجها ليته حذفني في سواحلها
ليا مني نخيته قال ترني مرهق(ن) كسلان = ولامنه فرغ عيني عن المرقاد يشغلها
ركبنا بالسفينه بعدها قال اني الربّان = ومعنا دون ماشاور جمع ناس(ن) وحمـّلها
وكم مره رماني بالبحر لولا الولي غرقان = ولكن الله الواهب لروحي مايهمـّلها
احسب انه على قوله نصوح(ن) راغب(ن) ولهان = ثريه ليا فضى يلقى فراغات(ن) يكمّـلها
تعلم بي كما ورع(ن) رموا له شنة النيشان = وقالوا كان ما صوّبت عينك منك نسملها
رماني رمية البسرة بزند البارع الفنان = نقشها ثم طارت طيرة وضاعت معالمها
انا ويش الذي خلان لي سيره مع الخلان = وانا كان انها لي جاملت مااعرف اجاملها
ولي قلب(ن) رهيف الحس من زود الوله مليان = بسلك القطن تقدر له تجره في اناملها
الا واويل قلبي يوم زادوني من البهتان = يجيبون الشواهد ناقل القصه يشمشلها
انا ماانا لك بناسي الا ياقايد الغزلان = وقلبي ماهو بقاسي ونفسي وش تعاملها
تشب النار في كبدي وتتركها وانا علقان = كأنك يالغضي جيعان تنجضها وتلهمها
مسامح ( روح ) لاحسبي عليك وكلمتي : ( سبحان = إله ) فوق مافي نية المخلوق يعلمها
وللجميع تحيتي
ابوشدق
انا وش حيلتي يوم اتورط مهو انا الغلطان = لو انه غلطتي كان اعترف به واتحملها
جذبني وسط غبات البحور اللي بلا شطآن = لعب بي موجها ليته حذفني في سواحلها
ليا مني نخيته قال ترني مرهق(ن) كسلان = ولامنه فرغ عيني عن المرقاد يشغلها
ركبنا بالسفينه بعدها قال اني الربّان = ومعنا دون ماشاور جمع ناس(ن) وحمـّلها
وكم مره رماني بالبحر لولا الولي غرقان = ولكن الله الواهب لروحي مايهمـّلها
احسب انه على قوله نصوح(ن) راغب(ن) ولهان = ثريه ليا فضى يلقى فراغات(ن) يكمّـلها
تعلم بي كما ورع(ن) رموا له شنة النيشان = وقالوا كان ما صوّبت عينك منك نسملها
رماني رمية البسرة بزند البارع الفنان = نقشها ثم طارت طيرة وضاعت معالمها
انا ويش الذي خلان لي سيره مع الخلان = وانا كان انها لي جاملت مااعرف اجاملها
ولي قلب(ن) رهيف الحس من زود الوله مليان = بسلك القطن تقدر له تجره في اناملها
الا واويل قلبي يوم زادوني من البهتان = يجيبون الشواهد ناقل القصه يشمشلها
انا ماانا لك بناسي الا ياقايد الغزلان = وقلبي ماهو بقاسي ونفسي وش تعاملها
تشب النار في كبدي وتتركها وانا علقان = كأنك يالغضي جيعان تنجضها وتلهمها
مسامح ( روح ) لاحسبي عليك وكلمتي : ( سبحان = إله ) فوق مافي نية المخلوق يعلمها
وللجميع تحيتي