وش صغير للشديده ينصي..؟؟؟؟حله . كاتم الونة

[مستور]

السلام عليكم ورحمة الله وبركاته

وش صغيرٍ للشديده ينصـي=ناحفٍ في شدته يحكم جموع
لو يطول الوقت ذلل كل عصي=بالتقدم يجبـره او بالرجـوع


تحيتي وتقديري لكافة الزملاء

[قرقيز]

هلا وغلا ياخوي مستوور
حمدلله على السلامه

ان شاء الله لي رمعه بعد ما أقرا اللغز

[قرقيز]

نسيت اسلم
وعليكم السلام ورحمة الله وبركاته

الرمعه ولو انها مجازفه
مير بقوول
انه
العصى أو الخيزرانه اللي يقاد بها الجمل

[كاتم الونة]

وعليكم السلام ورحمة الله وبركاته

صح قلبك استاذي

رمعة قايلة..!!!!!!

المفك..!؟!


تحياتي وغلاي

[قرقيز]

الذين يشاهدون محتوى الموضوع الآن : 2 ( الأعضاء 2 والزوار 0) ‏قرقيز (http://www.aboshdg.com/vb/member.php?u=48), ‏كاتم الونة (http://www.aboshdg.com/vb/member.php?u=19)

هلا والله بابو منصور
ارمع خل نشووف

[قرقيز]

وعليكم السلام ورحمة الله وبركاته

صح قلبك استاذي

رمعة قايلة..!!!!!!

المفك..!؟!


تحياتي وغلاي

رمعه قتاااله
:yes2:
الظاهر انك جبته

والراي عند مستوور

[مستور]

اخوي قرقيز
الله يسلمك عن كل شر
والرمعه يالغالي ماصادت الحل
تحيتي لك

[مستور]

هلا والله باخوي نبع الابداع واللي افتقدنا ابداعه هالايام عسى المانع يكون خير
صح بدنك والرمعه ماصادت الحل
انتظر مرماعك القادم
تحيتي لك وتقديري

[قرقيز]

<< يقول اشوا
خخخخخخخخخخخخخخخخخخخخخخ


ان شاء الله اجيبه
خل امخمخه زين واجيك

[ابوشدق]

صح لسانك ابوماجد
والحمدلله على السلامه خلفهم
عاد هذا الجلنبو يقدم ويرجع ويفك كل المواصير بالطيب ولا بالغصب

[قرقيز]

^^
وهو صادز
بس يابوصالح يقول خلط:w00t2:

[الرايقـه]

صح لسانك مبدعنا مستور
وأول مـره أحاول أحل لغز شعري
يوم قريت الأبيات حسيت أنه السـوط .. ==
يالله ياكريـم ..
ومشكـور الله يعطيك العافيه على مجهودك
:)

[مستور]

صح لسانك ابوماجد
والحمدلله على السلامه خلفهم
عاد هذا الجلنبو يقدم ويرجع ويفك كل المواصير بالطيب ولا بالغصب


مرحبا بك اخوي ابو شدق والله يسلمك يالغلا
كلامك صحيح بس بو جلنبو ماياتي للجمع يأتي لكل واحد على حده وابو جلنبو نتيجته حاليه بينما رفيقنا يقول
لو يطول الوقت ذلل كل عصي
تحيتي لك وتقديري

[مستور]

مرحبا بك اختي الرايقه
ومرورك شرفني
والسوط مالك لوى
تحيتي لك وتقديري

[كاتم الونة]

صباح الورد للجميع

":"

جاء في بالي . الدبل للجيب

المحب:)

[مستور]

اخوي نبع الابداع مالك لوى يالغلا
لاتنسى
لو يطول الوقت
يعني هذا محتاج وقت طويل
تحيتي لك
وانتظر مرماعك القادم

[قرقيز]

هو حوول شنطة العدة والسكاريب؟

[مستور]

هو حوول شنطة العدة والسكاريب؟

هلا بك وابعد عنهن
تحيتي لك

[noor]

صح لسانك مستور
بوركت على هاللغز

نفكر ونرجع لك

[mr.nana]

اوجعن مخي وشو الانسان

[الأيام]

ابحاول مع أني دايم ارجع بخفي حنين

يمكن ....................... القلم

[عناقيد الضياء]

ماادري حدسي يقول الجوال او الريموت

[مستور]

صح لسانك مستور
بوركت على هاللغز

نفكر ونرجع لك

صح بدنك والله يبارك بايامك
انتظر رمعتك
تحيتي

[مستور]

اوجعن مخي وشو الانسان

مرحبا فيك وسلامتك يالغلا
انتظر مرماعك

[مستور]

ابحاول مع أني دايم ارجع بخفي حنين

يمكن ....................... القلم

مرحبا بك وبحاولاتك
والقلم مالك لوى
تحيتي

[مستور]

ماادري حدسي يقول الجوال او الريموت

هلا بك والرمعات مالك لوى
تحيتي لك

[المُهرة]

وعليكم السلام ورحمة الله وبركاته
صح لسانك وبيض الله وجهك يامبدعنا على هاللغز السنع ==
دحنا مبطين عن خض التنكة ==
يارب اللغز يفطس على يدي <<< قصدها ذبح اللغز :yes2:

[مستور]

صح بدنك اختي المهره والحمدالله على السلامه افتقدناك
انتظر رمعتك
تحيتي لك وتقديري

[عناقيد الضياء]

السيف طيب

[مستور]

عناقيد اضياء
السيف مالك لوى
تحيتي لك

[الرايقـه]

نقول .. عقرب الساعه .. ):(

[مستور]

اختي الرايقه

مالك لوى
ولا تنسين
مع مرور الوقت ذلل كل عصي....بالتقدم يجبره او الرجوع
يعني مااسال عنه محتاج لوقت وليست نتيجته مباشره كعقرب الساعه
تحيتي لك

[كاتم الونة]

السلام عليكم ورحمة الله وبركاته




وش صغيرٍ للشديده ينصـي=ناحفٍ في شدته يحكم جموع
لو يطول الوقت ذلل كل عصي=بالتقدم يجبـره او بالرجـوع



تحيتي وتقديري لكافة الزملاء


ماشاء الله عليييييييييييك يالغلااااااااا

استلم لاعدمتك...


ياهجوس الفكر غني وارقصي=واشعلي في حضرت المبدع شموع
وانقضي لغز المعلم واقنصي=واطلقي الرميات دايم في طلوع
مبدعٍ دايم على المعنى وصي=كاسب الناموس جذعه والفروع
يالمعاني فووووق.. لالا ترخصي=وقربي فنجال كايف والقدوع
وياهجوسي ارمعي له واحرصي=احرصي لاينقدك بعض الربوع
وعجلي به ياهجوسي واخلصي=وانثري دمه قبل يوم الربوع
رمعتي (جسرٍ) شديدٍ يفرصي=يفرص الاسنان . ياويل الجزوع
مرحبا عـد المنابت والحصي=مرحبا. واعذر رفيقك هــ. القطوع


وسلامة قلبك.!.!.!

وسبب القطاعة. ظروف وهي على وشك الانتهاء بحول الله تعالى

المحب دائما :love:

[مستور]

الله الله الله عليك
ورجعتنا للتحليق في سماء الابداع
صح لسانك ملايين
نعم الحل سلك تقويم الاسنان
والمقصود في شدته اي ان الطبيب عند كل مراجعه يقوم بشده اكثر لغاية مايتم التقويم
مبدع بالحل مبدع باالابيات
وهالقطاعه ادمحتها هالمعزوفه اللي سطرتها
تسلم لنا واسال الله ان يذلل امامك كل عائق
تحيتي لك وتقديري

[كاتم الونة]

صح قلبك استاذي .. والله لايهينك

بعض من ماعندكم

المحب:)

[المُهرة]

ماشاء الله عليييييييييييك يالغلااااااااا

استلم لاعدمتك...


ياهجوس الفكر غني وارقصي=واشعلي في حضرت المبدع شموع
وانقضي لغز المعلم واقنصي=واطلقي الرميات دايم في طلوع
مبدعٍ دايم على المعنى وصي=كاسب الناموس جذعه والفروع
يالمعاني فووووق.. لالا ترخصي=وقربي فنجال كايف والقدوع
وياهجوسي ارمعي له واحرصي=احرصي لاينقدك بعض الربوع
وعجلي به ياهجوسي واخلصي=وانثري دمه قبل يوم الربوع
رمعتي (جسرٍ) شديدٍ يفرصي=يفرص الاسنان . ياويل الجزوع
مرحبا عـد المنابت والحصي=مرحبا. واعذر رفيقك هــ. القطوع


وسلامة قلبك.!.!.!

وسبب القطاعة. ظروف وهي على وشك الانتهاء بحول الله تعالى

المحب دائما :love:
ما شاء الله تبارك الرحمن
كفو == كفو == كفو
بـ خالي :yaaai9:
صح لسانك مليووون ولا يوفوووون ياخالي ==
الله يحفظه ويزيدك من فضله وعلمه ==
تقييييم ==
صح لسانك

[كاتم الونة]

ما شاء الله تبارك الرحمن
كفو == كفو == كفو
بـ خالي :yaaai9:
صح لسانك مليووون ولا يوفوووون ياخالي ==
الله يحفظه ويزيدك من فضله وعلمه ==
تقييييم ==
صح لسانك

صح قلبك يالاجودية الله لايهينك ويسلمك

هذا من طيب قلبك وصفاء سريرتك لاعدمتك

لاهنتِ ولاهان غاليك

يعتمد نقل هذا اللغز والحل الى الديوان غير مأمورة

وفقك الله

:)

[قرقيز]

مشاء الله
والله اللي منب حولها

عافاك الله يالخااال انت ومستور