لغز خفيف...شايب له قصة فيها مثل.؟؟؟؟؟؟ / حله / أبوعامر

[مستور]

السلام عليكم ورحمة الله وبركاته

الاخوة الزملاء

اليكم لغز من الوزن الخفيف

....................


شايبٍ له قصةٍ فيها مثل=يوم يقدم لملحٍ يعطي حصيل
والهوى ساقه على غير المحل=يم وضحى يافطن اخطى الدليل


....................

تحيتي وتقديري لكافة الزملاء

[روحـ الكتمانـ]

وعليكم السلام ورحمة الله وبركاااته

صح لساانك وسلم بنانك شاعرناا

خيي هو جماد ولاوش

[مستور]

روح الكتمان
صح بدنك
المطلوب واضح شخص معين وفيه مثل
تحيتي لك

[روحـ الكتمانـ]

القهوى <<<<<< شكلي بنجلد

[مستور]

القهوى <<<<<< شكلي بنجلد
مالك لوى
تحيتي لك

[noor]

عقاااب

هذا بلاء ابوك ياعقاب

وش رايك يامستوووور

[مستور]

عقاااب

هذا بلاء ابوك ياعقاب

وش رايك يامستوووور
هلا بك
والرمعه مالك لوى
تحيتي لك

[روحـ الكتمانـ]

اممممممممم

البشت

[ابوشدق]

صح لسنانك وعلا شانك اخوي ابوماجد
لغز قوي ياخلفهم

[مستور]

اممممممممم

البشت
مالك لوى
تحيتي لك

[مستور]

صح لسنانك وعلا شانك اخوي ابوماجد
لغز قوي ياخلفهم
صح بدنك يالغلا وسعدت بمرورك
تحيتي لك وتقديري

[noor]

يوم يقدم لملح يعطي حصيل


هذي مربط الفرس
لكني مافهمتها

.
هو الشين اللي دخل على وضحى
وماعلمت عليه نمر ؟


اذا موب صح قولي اغير عن سالفة بن عدوان ولا ابقي عليها

[مستور]

يوم يقدم لملح يعطي حصيل


هذي مربط الفرس
لكني مافهمتها

.
هو الشين اللي دخل على وضحى
وماعلمت عليه نمر ؟


اذا موب صح قولي اغير عن سالفة بن عدوان ولا ابقي عليها
مالك لوى وشيلي من راسك نمر بن عدوان
تحيتي لك

[لبيه يا ديرتي ...]

جل هو راعي السالفه اللي انقاله جعلك تبيع الملح :biggrin:

[المُهرة]

وعليكم السلام ورحمة وبركاته
صح لسانك وبيض الله وجهك يامبدعنا ==
جاري التفكير ==

[كاتم الونة]

الله الله

صح قلبك استاذي

رمعة على عجل..

( وردوها هيت واخطاها الدليله..!)

تم التثبيت ولي عودة بحول الله

المحب:)

[مستور]

جل هو راعي السالفه اللي انقاله جعلك تبيع الملح :biggrin:
مرحبا فيك والرمعه مالك لوى
تحيتي

[مستور]

وعليكم السلام ورحمة وبركاته
صح لسانك وبيض الله وجهك يامبدعنا ==
جاري التفكير ==
صح بدنك اختي المهره وسعدت بمرورك
انتظر مرماعك
تحيتي لك

[مستور]

الله الله

صح قلبك استاذي

رمعة على عجل..

( وردوها هيت واخطاها الدليله..!)

تم التثبيت ولي عودة بحول الله

المحب:)
صح بدنك يانبع الابداع
الرمعه ماصابت المطلوب يالغلا
انتظر رمعتك القادمه
تحيتي لك وتقديري

[هايدي]

صح لسانك اخوي مستور
ببالي المثل اللي قالته نور لكن مالي لوى..!
متابعة

[هايدي]

صح لسانك اخوي مستور
ببالي المثل اللي قالته نور لكن مالي لوى..!
متابعة

[مستور]

هايدي
مالك ولا لنور لوى
تحيتي لك

[أبوعامر]

ياخوفي انها

حبة الشمري في بيت الله

يبي الحجر ومطخ *****>>> مشفر استحي


(( يا ليتنا من حجنا سالمين ))

[مستور]

اخوي ابو عامرصح لسانك والمثل


(زلقة حبة الشمري)

حبة الشمري كلها جت من “بصري الوضيحي” الشمري والقصة تقول:

ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل ..

وبعد كبر سنه نوى ان يتوب ..

طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود ..

ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض ..

فتزاحم معهم بصري وابنه .. وعندما وصل الى الحجر ويريد حبة الحجر ...

اعترض بينه وبين الحجر ...خد بنت جميله كانت تريد حبة الحجر ..

. وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر

حب وجنة البنت ....فقالت له البنت حج حج ياشايب ...

. وحاول ولده أنه يرقع الموضوع قال هذا شايب تايه(مهذري) ..

.فخجل الوضيحي وقال يابعد حيي زلقت الحبة ابيها بالحجر وصارت فيك .


..وصار هذا مثل (ازلقت حبة الشمري)







وقال القصيدة :



التايه الي جاب بصري يقنه ... هيض جروح العود والعود قاضي



جينا نحب ونطلب الله جنه ... جنة نعيم يوم يابس الحاضي



ياليت كانت حبتي في معنه ... يوم العيون عن الخوامل غواضي



يامن يعاوني على وصف كنه ... اشقح شقاح ولاهق بالبياضي



الريح لازفرة ولاهي مصنه ... ريح النفل بمطمطمات الفياضي



نهدين للثوب الحمر شولعنه... حمر ثمرهن واقفات غضاضي



والخد ذابوح القلوب المرنه .... براق مزنٍ لاعق اللون ياضي



ياليت لو سني على وقم سنه ... بايام مابيني وبينه بغاضي



أيام جلد الذيب عندي محنه... نصبح وزرق الريش لهن إنتفاضي



ياجرح قلبي جرح وادي وطنه .... غر المزون اللي وطنه وفاضي



البيض قبلي محسنٍ عذبنه... ونمر على وضحى جرا له عراضي



والبيض كم ٍ واحد ٍ يبسنه .... يبسة شماشيل العذوق النفاضي



عزي لمن غر الثنايا كونه .... واركن على كبده كوايلٍ عراضي



الا ارتوى بستان قلبي سقنه... واخضر جنابه عقب يبست الحاضي



القلب غضات الصبايا شعنه .... بنت الشيوخ مخدمين الحياضي



شوفي بعيني والخدم يركبنه .... على زعاع يوم قوطر وناضي



فوق اشقح من زمل ابوها مضنه ... ركبة عليه اتشنطح ٍ باعتراضي



وامشجر من سوق هجر مغنه ... على خياطة نابي الارداف راضي



وين انت يامشفي على طردهنه ... انا طويت ارشاي وقفيت قاضي



انا صدرت ووردهن عقبنه .... على العدو مشرعات الحياضي



احد بوسط النار واحد بجنه .... وترى البخيت اللي له الرب راضي




ويقال ان بصري بعدمارجع قال هالبيتين
ياليتنا من حجنا سالمينا.....كان الذنوب اللي علينا خفيفات
رحنا نبي نخفف ذنوب علينا....وجينا وعليها كثرها عشر مرات


غفر الله لنا وله



http://www.shmmr.net/vb/images/aja/statusicon/user_invisible.gif http://www.shmmr.net/vb/images/aja/buttons/report.gif (http://www.shmmr.net/vb/report.php?p=599224)

[كاتم الونة]

الله الله

صح قلبك استاذي على هذا اللغز والاضافة الثمينة

":"

وصح قلبك يالغالي/ ابوعامر

تحية للجميع

[mr.nana]

ايه هذاولا الشيبان اجل ياويلي يالشباب