ابو ماجد بدع لغزه..................؟؟حله المبدعين = كاتم الونه وابوعامر

[مستور]

السلام عليكم ورحمة الله وبركاته

الزملاء الافاضل

اليكم لغز اتمنى ان ينال رضاكم

.........................


ابو ماجد بدع لغزه عن اللي تفرق الاثنين=اذا غابت وذا بانت معاني الاسم تخلفها
اذا تظهر ظهر وقتٍ ولا هو خافي الفطنين=وذا غابت تجي حسبه جميع الناس تعرفها



........................

تحيتي وتقديري لكافة الزملاء

[المُهرة]

وعليكم السلام ورحمة الله وبركاته
الله الله
صح لسااااااااااااانك يامبدعنا على هالابداع ==
عسانا نتجمل معك بحل اللغز ض5

[المُهرة]

طنب
بالنيابة عن خالي
== == ==

[مستور]

اختي المهره مرحبا بك وتشرفت بمرورك
انتظر مرماعك والخال الله يجيبه يتحفنا بالغازه وبحلوله الله يزيده
تحيتي لك وتقديري

[noor]

ماشاء الله
صح السااانك يابو ماجد
الله يثيبك ابطيت لين شفقنا على لغز == ==

نحاول نحل ان شاء الله

[noor]

ممكن تكون التاء المربوطة ؟

جمعة < يوم الجمعة وقت
جمع < حسبه الناس تعرفها

[مستور]

ممكن تكون التاء المربوطة ؟

جمعة < يوم الجمعة وقت
جمع < حسبه الناس تعرفها
صح بدنك وتفكير رائع رائع ولكن البنت المطلوبه تخلف الاسمين والاسمين لهم نفس الحروف
تحيتي لك وانتظر مرماعك القادم

[noor]

:huh:

افكر ان شاء الله

عافاك ابو ماااااقددد

[لبيه يا ديرتي ...]

جاري التفكير :huh:

[مستور]

جاري التفكير :huh:
حياك الله
انتظر مرماعك

[لبيه يا ديرتي ...]

هل هو كلمه العصر

حيث يمثل العصر في الاول : وقت العصر في اليوم

ويمثل العصر في الثاني : بمعنى العصر السابق والعصر الحديث

[ابوشدق]

صح لسانك ابوماجد وعلا شانك
ابدعت

[أبوعامر]

وعليكم السلام ورحمة الله وبركاته

صح لسانك اخوي مستور

ونبي نفكر باللغز

[أبوعامر]

ابوماجد نركز على كلمة انت كتبتها في لغزك

لاني حاط بالي كلمة - -

وتتعلق بالفصحى

[مستور]

هل هو كلمه العصر

حيث يمثل العصر في الاول : وقت العصر في اليوم

ويمثل العصر في الثاني : بمعنى العصر السابق والعصر الحديث
مرحبا فيك
كلام منطقي ولكن ليس هناك بنت تفرق بين المعنيين
تحيتي لك

[مستور]

صح لسانك ابوماجد وعلا شانك
ابدعت
هلا بك يالغلا هلابك
وشر فني مرورك ومااشوف الرمعه المعتاده هههههههههه
تحيتي لك

[مستور]

ابوماجد نركز على كلمة انت كتبتها في لغزك

لاني حاط بالي كلمة - -

وتتعلق بالفصحى
صح بدنك يالغلا وانجز عطنا اياه قبل الربع
تحيتي لك وتقديري

[كاتم الونة]

صح قلبك استاذي ملايييييييييييييييين

جاري التفكير .

ولاهنتِ مهرتنا على التثبيت والحضور

:)

[كاتم الونة]

السلام عليكم ورحمة الله وبركاته

الزملاء الافاضل

اليكم لغز اتمنى ان ينال رضاكم

.........................


ابو ماجد بدع لغزه عن اللي تفرق الاثنين=اذا غابت وذا بانت معاني الاسم تخلفها
اذا تظهر ظهر وقتٍ ولا هو خافي الفطنين=وذا غابت تجي حسبه جميع الناس تعرفها



........................

تحيتي وتقديري لكافة الزملاء





صح قلبك استااااذي . لغز استاذ ومعلم ..

واستلم لاعدمتك...


بدع لغزه بدع لغزه . ولغزه مايجي تخمين=تجي رمعة. على المطلوب بتركيبه يولفها
لقيت البنت يالغالي . أمام العين أمام العين=تجي في آخر الاسماء . صغيرة من يوصفها
جسدها تحقره لكن . يخلي الزين يعوّد شين=إنا . < داري علي أخطاء .وقليل اللي يصرّفها
هلاباللي بدع لغزه .هلابك ياهلا واهليــــن=هلا باللي على الالغاز . يطورها يشرفها


وسلامتكم
ض5

[مستور]

صح قلبك استااااذي . لغز استاذ ومعلم ..

واستلم لاعدمتك...


بدع لغزه بدع لغزه . ولغزه مايجي تخمين=تجي رمعة. على المطلوب بتركيبه يولفها
لقيت البنت يالغالي . أمام العين أمام العين=تجي في آخر الاسماء . صغيرة من يوصفها
جسدها تحقره لكن . يخلي الزين يعوّد شين=إنا . < داري علي أخطاء .وقليل اللي يصرّفها
هلاباللي بدع لغزه .هلابك ياهلا واهليــــن=هلا باللي على الالغاز . يطورها يشرفها


وسلامتكم
ض5
صح لسانك يانبع الابداع وعاداتك الله يزيدك


هلا باللي بدع رمعه هلا بك يالغلا الفين=ثقيل اللغز لو جالك بسهم الفكر تنسفها
لعبته لعبت الحريف تخلي لغزنا لغزين=الا يامن يحل لغزي ورمعك من هو يكشفها


تقبل مني التحية والتقديري

[noor]

جابه ابو منصور الله يخلف علينا
واشوفك صاف لنا نقط واجد بابياته

اقول النقطة ؟ او الهمزة

[أبوعامر]

الاثنين

هي همزة الاثنين

مرة عدد وهنا ما نكتبها

ومرة يوم الإثنين ونكتبها

[noor]

^
ياعيني عليك
ض5

[مستور]

جابه ابو منصور الله يخلف علينا
واشوفك صاف لنا نقط واجد بابياته

اقول النقطة ؟ او الهمزة
ابو منصور ماقصر واستنتاج حلو
تحيتي لك

[مستور]

هي همزة الاثنين

مرة عدد وهنا ما نكتبها

ومرة يوم الإثنين ونكتبها
تأخرت يالغلا من مداخلتك السابقه عرفت انك تبي تذبحه
صح لسانك ولسان ابو منصور
واللغز يقول تفرق بين الاثنين
وهي الهمزه
الإثنين هنا يوم الاثنين
الاثنين هنا رقم 2
بيض الله وجهك ووجه ابو منصور

[مستور]

^
ياعيني عليك
ض5
تأكيدك بمحله صح لسانك
تحيتي لك

[كاتم الونة]

صح لسانك يانبع الابداع وعاداتك الله يزيدك



هلا باللي بدع رمعه هلا بك يالغلا الفين=ثقيل اللغز لو جالك بسهم الفكر تنسفها
لعبته لعبت الحريف تخلي لغزنا لغزين=الا يامن يحل لغزي ورمعك من هو يكشفها



تقبل مني التحية والتقديري



صح قلبك استاذي

وماعليك زود لاعدمتك...

وهنا شرح ميسر .. لرمعتي المغطاة تقريبا ..

دع لغزه بدع لغزه . ولغزه مايجـي تخميـن
تجي رمعة. على المطلوب بتركيبـه يولفهـا
"::"

لقيت البنت يالغالي . أمام العين أمـام العيـن
تجي في آخر الاسماء . صغيرة من يوصفهـا
":"

تجي في آخر الاسماء .. < الهمزة في آخر كلمة الاسماء
::::

جسدها تحقره لكن . يخلي الزين يعوّد شيـن
":"
نعم عندما تأتي الهمزة في غير موضعها . تجعل الجميل قبيح

وهنا اقصد الاخطاء االاملائية .
":"

إنا . < داري علي أخطاء .وقليل اللي يصرّفها
":"
وهنا وضعت مثال .. كلمة . أنا . الهمزة فوق الالف

ولكن هناك في الرد وضعتها تحت الالف كذا ( إنا )

لاثبت انها تجعل الجميل قبيح اذا ما اتت في غير مكانها

وقلت انا داري علي اخطاء . معناها الخطأ مقصود ..للتمثيل فقط
":"


هلاباللي بدع لغزه .هلابـك ياهـلا واهليـن
هلا باللي على الالغـاز . يطورهـا يشرفهـا

"::"

وهنا ترحيب بالاستاذ الكبير ابوماجد..

المحب :)

[noor]

الله يرزقنا مما رزقكم


ابارك للشاعر كاتم
والمبدع ابو عامر

تقييم للاثنين :biggrin:

[كاتم الونة]

الله يبارك بعمرك بمدعتنا .

وافية لاهنتِ

:)

[أبوعامر]

ابوماجد والله مبدع ورااائع دائما

اخوي كاتم لايجارى

شكرا نور