لاتنشــــدن

[حمود المزيني]

لاتنشدن عن حاجتي يفضح الشوق = بعد ارتياحك خفت لاتصير شاقي
راع الهوى من ضيم الايام مطروق = قلبه رهيف وكل عرقٍ دقاقي
لاني من اللي يطرق الشوف بالسوق = الكون كله وسط الاعيان ضاقي
ولاعاد لي من بعد مافات من ذوق = اصل الهوى تاليه مرّ المذاقي
مايعجبن عازف ولايجذبن بوق = الحزن في قلبي على الطول باقي
من عقب هاك الصدر والنحر والطوق = تال العمر ياصاحبي مايطاقي
قالوا طعمهن لذ من : ( درة النوق ) = ماحبّ من حبه مشارب نياقي
انا عن المقصود مربوط بسبوق = وقيود حزت لين دمّت بساقي
عاقن عن اللي ولعن بالهوى عوق = انا عليل وهو له الجو راقي
الحب له حالين الاول اشروق = والحال الاخر غيبةٍ وافتراقي
اضحك علي ضحكك مهو ضحك مطفوق = لك بالضماير ياحبيبي سواقي
كانت من اول تسقي القلب برفوق = واليوم زرعه مهشمٍ باحتراقي
كم عاشقٍ من عشقته صار مسحوق = في كل لحظه من عذابه يلاقي

[د. جنط السفينة]

الصراحة يا أخوي حمود

أجمل ماقرأت لك

أعجبني فيها أبيات كثير

جميلة جداً جداً مانقول إلا صح لسناك وعلا شانك وبيض الله وجهك

تستاهل التقيييم

[كاتم الونة]

الله الله الله الله

صح قلبك شاعرنا حتى ترضى

قمة العذوبة والروعة.

والف الحمدلله على السلامة . ولاتعبت

ولك رسالة خاصة ياقلبي

وافر التحايا والتراحيب

المحب:)

[noor]

من يلومني بالمزيني يقرأ هالقصيده
صح لسانك وعلى شاانك
يارب دوم نقرااا لك حموود

تقييم

[ابوشدق]

صح لسانك حمود وعلا شانك
قصيده جزله

[حمود المزيني]

أشكركم جميعا وقبل أن أرد على كل على حدة أحب أن أوضح مايلي :
نبهني الأخ الشاعر : كاتم الونة لخطأ ( كتابي ) وهو الذي جاء الشطر :
( .............. الكون كله بين وسط الاعيان ضاقي ) .... فعلا ( بين ووسط )
أحدهما لابد من حذفها لزيادتها مني سهوا :
فيكون الشطر هكذا :
( الكون كله وسط الاعيان ضاقي ) فأرجو التعديل من الإشراف
كما تطرق الأخ : كاتم لهذا الشطر :
( الحب له حاليــن أالاول شروق ) وربما ظن كاتم أن في الشطر كسراً ..
وفعلا من يقرأ الشطر يظن ذلك .. لكن الشطر غير مكسور على لهجة من يمد
حرف الألف في كلمة ( الاول ) فكأنه يقول ( االاول ) على لهجة من يقول : ( آآه ) ليس
تأوها ولكن جوابا أو تقريرا لمتحدث .. بمعنى ( نعم ) أو ( إيــه ) ..
وهي لهجة دارجة في بعض مناطق نجد خاصة الشمال ..
أشكر الجميع مرة أخرى على هذا الاحتفاء .. وأشكر الأخ الشاعر : كاتم الونة على
تعاونه وتنبيهه ..

[ابوشدق]

تم ياخوي حمود التعديل على البيت الاول
اما الثاني تصلحون بيناتكم:biggrin:

[أبوعامر]

صح لسانك شاعرنا

الله يقويك، مبدع

[قرقيز]

صح لسانك يالمزيني

الحـب لـه حاليـن الاول اشــروق
والحـال الاخـر غيـبـةٍ وافتـراقـي

عورت قلبي ياحمود
:gcray2:

[بازغ]

صح لساااانك أخوي حمود ...

بيض الله وجهك ...

[حمود المزيني]

الصراحة يا أخوي حمود

أجمل ماقرأت لك

أعجبني فيها أبيات كثير

جميلة جداً جداً مانقول إلا صح لسناك وعلا شانك وبيض الله وجهك

تستاهل التقيييم

أشكرك أخي من الأعماق
شرفتني بردك .. لاهنت يالقــرم

[المُهرة]

الله الله
صح لسانك وابداعك اخوي حمود
وتسلم يمينك على هـ الرائعة
:)

[حمود المزيني]

الله الله الله الله

صح قلبك شاعرنا حتى ترضى

قمة العذوبة والروعة.

والف الحمدلله على السلامة . ولاتعبت

ولك رسالة خاصة ياقلبي

وافر التحايا والتراحيب

المحب:)

أهلا بك شاعرنا المبدع : كاتم الونة
أشكرك على ثنائك ، وقد أفدتني برسالتك
دم سعيدا أخا القلب

[العاصفه]

كانت من اول تسقي القلب برفوق
واليوم زرعه مهشم باحتراقي

بيت روعه
صح لسانك

[حمود المزيني]

مشكورين ... ماقصرتوا .. الله لايهينكم

.

[ابوهتون]

صح لسانك

[دوا غسيل]

لاتنشدن عن حاجتي يفضح الشوق = بعد ارتياحك خفت لاتصير شاقي
راع الهوى من ضيم الايام مطروق = قلبه رهيف وكل عرقٍ دقاقي
لاني من اللي يطرق الشوف بالسوق = الكون كله وسط الاعيان ضاقي
ولاعاد لي من بعد مافات من ذوق = اصل الهوى تاليه مرّ المذاقي
مايعجبن عازف ولايجذبن بوق = الحزن في قلبي على الطول باقي
من عقب هاك الصدر والنحر والطوق = تال العمر ياصاحبي مايطاقي
قالوا طعمهن لذ من : ( درة النوق ) = ماحبّ من حبه مشارب نياقي
انا عن المقصود مربوط بسبوق = وقيود حزت لين دمّت بساقي
عاقن عن اللي ولعن بالهوى عوق = انا عليل وهو له الجو راقي
الحب له حالين الاول اشروق = والحال الاخر غيبةٍ وافتراقي
اضحك علي ضحكك مهو ضحك مطفوق = لك بالضماير ياحبيبي سواقي
كانت من اول تسقي القلب برفوق = واليوم زرعه مهشمٍ باحتراقي
كم عاشقٍ من عشقته صار مسحوق = في كل لحظه من عذابه يلاقي


قصيدة تحاكي الجزالة وتغرف من جداولها أعذب المفردات وأحلاها
قصيدة مليئة بالحُزن متسلحة بالحكمة والموعظة الحسنة

صح لساااااااانك مليووووووووووووووووووووون

[حمود المزيني]

ابو هتون
دوا غسيل
أدام الله سعادتما ... ألف شكر