قصيدة فتاه اجبرها ابوها على الزواج ..

[روحـ الكتمانـ]

السلااام عليكم ورحمة الله ..

..................
قصيدة فتاة اجبرها ابوها على الزواج من شخص
فلما قرأها ابوها رجع عن امره وجعلها تختار من ترغب

.....................

يابوي خلوني علـى كيفـي اختـار
يابوي هذا العرس مابـه غصيبـه
يابوي لاترمون قلبي علـى النـار
وتصير بكـره ياجماعـه مصيبـه
يابوي انا اللي عارفه كل الاسـرار
قلبي وانا ادري فـي دواه وطبيبـه
يابوي انا مليت من كثـر الاشـوار
والموت من شور القريـب لقريبـه
يبه .. يبه .. يامكرم الضيف والجار
ياسيـدي ياتـاج قلبـي حبيـبـه
لو شفت دمعي تالي الليـل مـدرار
النوم حاربنـي وانـا لـه حريبـه
في خاطري هم .. وهواجيس وافكار
ماجابت الورقا من النـوح اجيبـه
الله يعين الـي مـن الهـم محتـار
اعيش فـي دنيـاي مثـل الغريبـه
الحلم الاول مـات يابـوي وانهـار
ذبحت حلمي ليـه .. والله عجيبـه
يابوي زاد الهم ضاقت بـي الـدار
صارت حياتـي ياحياتـي صعيبـه
وشعاد لو في غرفتي ورد وازهـار
اشوفهـا يابـوي مثلـي كئيـبـه
ياتـاج راسـي لاتحمّلـنـي أوزار
تكفا طلبتـك .. لاتزيـد المصيبـه

منقول ..

[noor]

ذكرتني بنفسي هذي
بس الموقف كان مع الوالده ربي يحفظها
ض9
وه بنات مايستحن ض1


مشكورة رووح

[اخو الاصهب]

المصيبه الله الله

كلش عاد ولا الغصيبه

يقول المثل ( المغصوبه ما به لبن )

مشكوره يا روح الكتمان

[المُهرة]

8
8
حلوووووة
هههههههههههههههههههههه


::

تسلمين ياغلاي روح على القصيدة المعبره
الله يهدي بعض الأباء والأمهات
يضيعون بناتهم وعيالهم بسبب اصرارهم على ارائهم العقيمة

:)

[ابوشدق]

صح لسانه

والله يهدي بعض الابوه الي يجبرون بناتهم

خله عندك بالبيت ولاتاخذ واحد ماتبيه

عافاك روح

[مـعـاتـبــ]

لاحول ولا قوة الا بالله

صح السان البنيه وربي مؤثره هالقصيده

الشكوى لله مصيبه مجتمعنا العنجهيه

يعطيك العافيه رووح

[كاتم الونة]

ذووق راقي

تسلم يمينك وذوقك

تحية وتقدير

[أبو نجم]

سبحان الله كيف يطاوع قلب الأب والأم غصيبة البنت على من لاتريد ومن ثَمَّ يقولون لماذا تطلقت البنت أو لماذا تطلب الطلاق أو لماذا هو طلقها .. من البداية لاتريدهـ فلماذا يتبادر إلى أذهانهم تلك الأسئلة ..

اللهم ارأف ببناتنا وارزقهن من يتمنين اللهم لا تولي عليهن من يجبرهن على زواج من لا يرغبن به اللهم حقق أمانيهن في أزواجهن اللهم ارزقهن الأزواج الصالحين .. اللهم وفقهن عامة وبنات هذا المنتدى خااااااااصة .

آآآآآآآآآآآآآهـ الصراحة أنقهر إذا شفت زي كذا من اللي يغصبون بناتهم على أزواج مايرغبن فيهم .. لو الود ودي أو بيدي حيلة تسان علكت اللي يسوي تسذا علك .. لكن مانقول إنا لله وإنا إليه راجعون .. والكلام في ذلك كثيــــــــــــــــــــــــــــــــــــر وطويــــــــــــــــل وليس له نهاية إلا لوجود الحل وهو " عدم غصب البنت على الزوج أو الزواج " .

وأشكرك أختي الغالية روح الكتمان على القصيدة .. مع أنك نكدتي علي على هالصبح ما أمداني أدخل المنتدى .. يحّووووول يا هالبنيات والله يا أنا آويٍ لهن :frown:
شكلي أبستأذن من الدوام .. :grin: ههههههههههههههه

[الإرجوان]

روحـ الكتمانـ

إختيار ٌ أكثر من رائع

صح الله لسانك ولسان قايلها


دمت ِ بوفاء وود

[الجوووود]

في خاطري هم .. وهواجيس وافكار
ماجابت الورقا من النـوح اجيبـه
الله يعين الـي مـن الهـم محتـار
اعيش فـي دنيـاي مثـل الغريبـه

أبيات روووعه وتقطع القلب..
وياكثر اللي يزوجونهم غصب..
يعطيك العافيه روح..

[روحـ الكتمانـ]

مشكورين على مروركم العطر ..

لاعدمنا الله ردودكم الطيبه ..

[البرفسوره أمووول]

الله يهون عليها والله حالتها تقطع القلب
مشكوره ياروح