عندي مشكلاااااااات احتاج لحلها قبل يوم ضروري جداً

[النرجس]

السلام عليكم و رحمة الله

أخواني و أخواتي شخباركم؟ أتمنى تكونوا بأفضل حال..

هذه إحدى صديقاتي حصلت لها مشكلات كما تقول

و قلت أطرح مشكلاتها عندكم باذن الله مارح تقصرون كعادتكم مبادرين

أسأل الله أن يجزيكم خير الجزاء..والآن مع المشكلات العويصة لصديقتي :

--------------------------------------------------------------------------------

بسم الله الرحمن الرحيم


السلام عليكم ورحمة الله وبركاته




أشعر باختناق شديد

المشكلة : أختكم في الله قدر الله عليها و أرادت أن ترقي من برنامج الفايروسات الكاسبر وحملت آخر إصدار ، و حصل تضارب مع برنامج آخر والحمد لله أنتهت المشكلة

لكن حصل أمر جداً مؤلم بالنسبة لي لا أعيش بدون برنامج اللير بلير ، وقام برنامج مكافحة الفايروسات لما فتحت برنامج الريل بلير باظهار نافذة كلها بالانجليزي و ضغطت أول خيار ويا ليتني ما ضغطت ولكن ( ولات حين مندم ) المهم فجأة أنحذف البرنامج ( أي الريل بلير ) .

وبعدها فتحت الماسنجر للأستعانة بصديقة وظهرت لي نفس النافذة وضغطت أول خيار وحصل ما حصل مع الريال بلير ، هو المؤمن لا يلدغ من جحر مرتين لكن مشكلتي ما استوعبت ، وبرنامج الكاسبر له قداسة ما يخطئ ( في اعتقادي يعني )

المهم انحذف الماسنجر بعد .

ومن ثم قمت بتحميل برنامج اللير بلير ولطمعي طلبت آخر نسخة وهي تجريبية ولكن يبدو أني غامرت :

إذا غامرت في شرفٍ مرومٍ فلا تقنع بما دون النجومِ

وقمت للأسف الشديد بتحميله وفجأة تم اغلاق الجهاز وتبدل المتصفح من انترنت اكسبلور ( والله ما اعرف اسمه زين ) إلى ( موزيلا فاير فوكس )

المهم :
هذا المتصفح صحيح أنه سريع جداً وحركته رائعة ، لكن الكلام باللغة العربية مثل المكعبات إذا صفيناهم بعدين جاء احد ورماهم بالكورة وتزلزلوا يعني صاير الكلام كله مطبات ! لازم اسوي نسخ ولصق حتى أقرأه زين !!!

المتصفح هذا الظاهر انه ما يدعم اللغة العربية و ما اذكر اني حملته بس كيف جاء ما ادري ، مع العلم أني كنت أحمل من مواقع انجليزية .


المشكلة الثانية :

حملت الماسنجر وبعدين حملت البلس لكن للأسف يقول جدار الحماية لا يدعم الماسنجر !

المشكلة الثالثة : أحتاج للانترنت من خلال جهازي لوجود ملفات فيها بعض الردود لابد أن أضعها ، ولا استطيع أن ابعث بجهازي لأي أحد ليصلحه ليس أمامي سوى يومين بعدها ربما نسافر والملفات لابد أسلمها هذين اليومين

( لا يغركم الأسلوب والله أنه من الكبت والقهر )

وحتى النصوص الحين ما اقدر الونها ، والمتصفح القديم ما اقدر استخدمه اذا استخدمته يقول : لا يمكن العثور على الملقم

و

الله يعينا ويعينكم
__________________


دعواتنا لكم أيها الفضلاء..وأنا بانتظار حلولكم

[واحد من الناسـ]

وعليكم السلام ورحمة الله وبركاته


خليها تسوي استعادة النظام لتاريخ سابق

وهذا شرح لطريقة استعادة النظام

http://www.aboshdg.com/vb/showthread.php?t=527


تسوي الاستعادة قبل الوقت اللي حدثت فيه برنامج الحماية


وإن شاء الله تنحل مشاكلها


دُمتِ بحفظ الله

[ابوشدق]

8
8
8
ماقصرت اخوي واحد

[النرجس]

الأستاذ واحد من الناس

بارك الله فيك على البذل المعتاد

أشكرك من الأعماق

صديقتي فعلاً عملت استعادة نظام و لم يستجيب

يعني فشلت الاستعادة..فهل من حل؟!

وفقك الله ياأخي الفاضل ما قصرت و الله

و كذلك الأستاذ ابو صالح ..

دمتم شهماء :)

[ابوشدق]

اختي خليها تحذف الكاسبر نهائي

وتنصب البرامج المطلوبه

الريل بلير واللي فاقده

وبالنسبه للبلس للماسنجر هي اي اصدار ركبت علشان ندله

على الاصدار الخاص للبلس المتوافق

لكن نصيحتي لبرنامج الحمايه تحذفه نهائي من الجهاز

وتحميل برنامج Avg

وموجود هنا بالمنتدى كامل

[النرجس]

باذن الله رح اوصل ابلغها هالنصيحة الطيبة

و ابلغكم بالنتيجة

وفقك الله أستاذنا الكريم

[المُهرة]

إن شاء الله بيتعدل جهازها ويطلع احسن من أول
بس ليه تشعر بإختناااااااااق ؟
كلها برامج راحت وبترجع
والأمر سهل
خليها توسع صدرها وإن مانحلت مشكلتها اليوم بتنحل بكرة بإذن الله
<<< داخله عشان تقول الأمر مايسوى الضيقه والتعب دامها بخير وأهلها بخير ودينها بخير

:)

[النرجس]

ربي يسعدك يا المهرة الأصيلة

و الله أن كرمكم يخجلني جدا

و اخزياااه منكم

الله لا يحرمكم الأجر يارب

صديقتي ودعتنا و انقلت ملفاتها على سي دي

و بتودي جهازها للمستشفى.. :tears:

عندها ملفات مهمة وووووو

لذلك ضايقة ياعمري هي :tears:

بس الحمدلله على كل حال هذي هي التقنية لا تفهم و لا تستوعب :bomb:

الله يرضى عليكم كل ابوكم و الله ما قصرتوا جعلكم بالجنة ياااااارب

و عندي طلب بس و الله اني مستحيتن مرتن بالحيل ض1

لكن أدري ان كرمكم غامر و ما تتضايقون لذلك بطلب :0q1s40:

أنا عندي واير لس من شهر ركبته و الحين ابغى اشحن

اشتريت حضرتي البطاقة على بالي أعرف ادخلها

فيها اسم مستخدم و كلمة مرور << تبونها :biggrin:

المهم مو عارفة كيف ادخلها وش السواة يالنشامى و النشميات ؟

وفقكم الله يارب :thank_you2:

[المُهرة]

وياك يالغلا
هذا من طيبك بارك الله فيك
شوفي هالرابط فيه طريقة ادخال البيانات بالمودم
بإذن الله راح تنفعك

http://www.aboshdg.com/vb/showthread.php?t=473 (http://www.aboshdg.com/vb/showthread.php?t=473)

موفقه خيتو

:)

[النرجس]

ربي يسعدتس يالمهرة

و عقبال أشوفك أحلى عروس :)

الله مير يجزاتس خير و الجميع

[هايدي]

اي سؤال اختي حول تجديد الإشتراك
من خلال اعدادات الموديم
آمريني
:)

[ابوشدق]

اهم شي نوع المودم وشو

[النرجس]

هايدي ..أبو صالح

ربي يسعدكم يارب :)

المودم نوعه speed touch

و الى الآن محسوبتكم ما عرفت تعبي البيانات!!

[ابوشدق]

خيتي الحين الاشتراك منتهي ولا لا ؟

واذا كان منتهي شابكه من دايل اب ولا لا ؟

وابشري ان شاء الله الليله يبي يشتغل

[المُهرة]

ربي يسعدتس يالمهرة

و عقبال أشوفك أحلى عروس :)

الله مير يجزاتس خير و الجميع
وياتس ياخيتي
احلا شي العرس ش1
اهم شي عسى الأمور تمام :showoff:

[زعبور]

ادخلي من الرابط هذا مباشره
http://10.0.0.138 (http://10.0.0.138)
وكان عندك بروكسي ازيلي البروكسي

وتحصلي يسار speed touch
اضغطي عليها
وانزلي تحت تحصلي رابط set up
بتطلع لك صفحه صغيره
اضغطي next
مرتين بعد حطي اسم المستخدم وكلمة المرور مرتين
همن نكست نكست فنش

وشغلي النت وادخلي علي موضوعك واشكرين شكرن عميق

[المُهرة]

خيتي الحين الاشتراك منتهي ولا لا ؟

واذا كان منتهي شابكه من دايل اب ولا لا ؟

وابشري ان شاء الله الليله يبي يشتغل
كفو بأبو صالح :showoff:

[المُهرة]

ادخلي من الرابط هذا مباشره
http://10.0.0.138 (http://10.0.0.138)
وكان عندك بروكسي ازيلي البروكسي

وتحصلي يسار speed touch
اضغطي عليها
وانزلي تحت تحصلي رابط set up
بتطلع لك صفحه صغيره
اضغطي next
مرتين بعد حطي اسم المستخدم وكلمة المرور مرتين
همن نكست نكست فنش

وشغلي النت وادخلي علي موضوعك واشكرين شكرن عميق
كفو بالجنين :showoff:

[النرجس]

خيتي الحين الاشتراك منتهي ولا لا ؟

واذا كان منتهي شابكه من دايل اب ولا لا ؟

وابشري ان شاء الله الليله يبي يشتغل


استاذ بو صالح ايوة انا عالديال اب :(

والاشتراك ماصار له الا شهر

أستاذ زعبور الرابط ما يفتح معي

كل شي مخرف عندي :kez_01:

وش السوات؟

ربي يسعدكم كل ابوكم :)

[زعبور]

اداوت
خيارات انترنت
ثمن اتصالات
وبعده اختاري عدم اتصال ابدا
وانزلي تحت واضغطي علي
عدادات LAN
واذا فيه بروكسي شيلي البروكسي وبعده سوي دخول
واذا ما نفع معك الرابط الي فوق
اضغطي علي هذا
http://192.168.1.1 (http://192.168.1.1)

واقطعي اتصالك بالهندل

[هايدي]

اختي اذا معك بطاقة جديدة
ماعليك إلا تسوين اللي قالك عليه زعبور
وتشبك معك البطاقة
وهني وعافية على قلبك

[النرجس]

أستاذ زعبور << والله ما كنت غبية لهالدرجة :(

سويت زي اللي قلت لي و ياملا الجنة ضبط معي وقال:

Completing the SpeedTouch™ Easy Setup


You have successfully completed the SpeedTouch™ Easy Setup.

يعني تم بنجاح

لكن لما أستخدم النت ..اي موقع افتحه يطلع لي صفحة سبييد توتش و يقول:

Authentication Failed...

Your Internet authentication failed.

Before you can authenticate yourself, you have to login as a more privileged user.

وش يبي ذا الله يسعدكم ؟

[هايدي]

أستاذ زعبور << والله ما كنت غبية لهالدرجة :(

سويت زي اللي قلت لي و ياملا الجنة ضبط معي وقال:

Completing the SpeedTouch™ Easy Setup


You have successfully completed the SpeedTouch™ Easy Setup.

يعني تم بنجاح

لكن لما أستخدم النت ..اي موقع افتحه يطلع لي صفحة سبييد توتش و يقول:

Authentication Failed...

Your Internet authentication failed.

Before you can authenticate yourself, you have to login as a more privileged user.

وش يبي ذا الله يسعدكم ؟
لمبة الأنترنت بالموديم معك طلعت حمراء؟
اذا ايه عيدي الأعدادات مره ثانية
لحد ماتولع خضراء
:)

[النرجس]

هايدي الرائعة

باذن الله اجرب و ارجع اعلمتس النتيجتون

ادعيلي :)

[هايدي]

موفقة يارب
انتظرك

[مـعـاتـبــ]

اسم المستخدم والرقم السري خطأ

هذا معنى الرساله اختي

اعيدي الاعدادات

[النرجس]

الله يسعدكم جميعا

والله كرمكم غامر

بس تراي ما خلصت :)

يعني ما ضبط معي كل شي تمام

لكن اللمبة فعلا مو راضية تصير خضراء

و الآن أنا مضطرة ادخل من الديال أب و اوقف محاولات لأن عندي اجتماع عالماسنجر الان

ابو صالح...زعبور...هايدي...معاتب...المهرة...و الجميع

الله يوفقكم يارب و لي عودة ياملا الجنة

[هايدي]

الله يسعدكم جميعا

والله كرمكم غامر

بس تراي ما خلصت :)

يعني ما ضبط معي كل شي تمام

لكن اللمبة فعلا مو راضية تصير خضراء

و الآن أنا مضطرة ادخل من الديال أب و اوقف محاولات لأن عندي اجتماع عالماسنجر الان

ابو صالح...زعبور...هايدي...معاتب...المهرة...و الجميع

الله يوفقكم يارب و لي عودة ياملا الجنة

ويسعدك يالغلا
تصير معي دايما واجلس اعيد لحين ماتولع خضراء
شوفي قلبو خوذي الموديم ووديه محل كمبيوتر قولي له يضبط لك الإعدادات
عقبها نعطيك كورسات عشان تظبطينه بدون استعانة بمحل
ترى الشغلة جدا سهلة
ض4

[النرجس]

تدرين المصيبة أن الموديم بآخ رغرفة بالبيت وبعيد !!

لكن بجرب الى بكرا باذن الله و الا اخذ بنصيحتك و اوديه للمستشفى

الله يبارك فيكم من جد أنا ممتنة لكم و لمبادراتكم الل يهي سر التميز في هذا المنتدى

الله يرضى عليكم آل منتديات ابو شدق

[هايدي]

تدرين المصيبة أن الموديم بآخ رغرفة بالبيت وبعيد !!

لكن بجرب الى بكرا باذن الله و الا اخذ بنصيحتك و اوديه للمستشفى

الله يبارك فيكم من جد أنا ممتنة لكم و لمبادراتكم الل يهي سر التميز في هذا المنتدى

الله يرضى عليكم آل منتديات ابو شدق

مو مشكلة جربي الكيبل اذا ابعدتي
كيبلي 35 متر يوصل للخيمة بالحوش
وبإمكانك تجبين طول المهرة مرتين>>> جابت العيد

[ابوشدق]

خيتو

اشتراكك وشو

تراي فيه بعض الشركات مايعطين اليوزر والباس من نفس البطاقه

لازم تدخلين على مواقعهم وتسجلين بطاقتك وبعدين يعطونك اليوزر والباس

[النرجس]

فعلا توي أنتبه للبطاقة زين

مكتوب (ادخل كلمة المرور واسم المستخدم على:
username@128.nesma.net.sa

سؤالي: هذا بريد مو؟ يعني مطلوب مني ارسل لهم اسم المستخدم و كلمة المرور عالبريد؟

هل هذا المطلوب..صراحة خفت ارسل قلت أسألكم أول ياملا الجنة

[هايدي]

نسمة ماتعاملت معها ابدا
لحد كذا ماعرف ما ابي اوهقك

[ابوشدق]

فعلا توي أنتبه للبطاقة زين

مكتوب (ادخل كلمة المرور واسم المستخدم على:
username@128.nesma.net.sa

سؤالي: هذا بريد مو؟ يعني مطلوب مني ارسل لهم اسم المستخدم و كلمة المرور عالبريد؟

هل هذا المطلوب..صراحة خفت ارسل قلت أسألكم أول ياملا الجنة

لا ياخيتي هذا اليوزر الخاص

بالبطاقه مكتوب اليوزر والباسوورد

ولا الرقم التسلسلي و الرمز

http://www.nesma.net.sa/

وهذا موقع نسما نت علشان تسجلين فيه وتاخذين اليوزر والباس

[النرجس]

لا ياخيتي هذا اليوزر الخاص

بالبطاقه مكتوب اليوزر والباسوورد

ولا الرقم التسلسلي و الرمز

http://www.nesma.net.sa/

وهذا موقع نسما نت علشان تسجلين فيه وتاخذين اليوزر والباس

بصراحة أستاذ ما فهمت عليك ض1

أيوة فيه بالبطاقة اسم مستخدم و كلمة مرور

بس السؤال وين أحطهن؟؟

دخلت على موقع نسما بس ما دليت المكان

فهمت من البطاقة انهم يقولون ادخل كلمة المرور و اسم المستخدم على البريد اللي ذكرته تو

:icon1366:

[ابوشدق]

بصراحة أستاذ ما فهمت عليك ض1

أيوة فيه بالبطاقة اسم مستخدم و كلمة مرور

بس السؤال وين أحطهن؟؟

دخلت على موقع نسما بس ما دليت المكان

فهمت من البطاقة انهم يقولون ادخل كلمة المرور و اسم المستخدم على البريد اللي ذكرته تو

:icon1366:

اسم المستخدم وكلمة المرور حطيهن باعدادت المودم الي شرح زعبور

وانا ماخبرت انه يرسل لهم بالايميل عشان يرسلون اليوزر والباس

اما يجي عن طريق البطاقه او من نفس الموقع

[النرجس]

الله يعطيك العافية يارب

عافاكم الله اخوان يو اخواتي و الله ما قصرتوا

تعلمت منكم الكثير و لكم خالص دعواتي

و سامحوني على الازعااااااااااااج الفظيع

دايم مزعجة الشكوى لله :(

وفقكم الله أعزائي :)

[النرجس]

الله المستعان وبعد معاناة أكثر من اسبوعين او اكثر
توه يشبك عندي الدي اس ال!!
بعد مو انا اللي صلحته
طلعت المشكلة انو بعد اسم المستخدم
لازم أكتب السرعة و موقع نسما !!!!
يالله الحمدلله استفدنا و تعلمنا
وفقكم الله جميعا أيها الشهماء و الشهمات :)