يارب سامحني ليا مني اخطيت ..

[روحـ الكتمانـ]

http://o9o9.net/2/uploads1/c84070fe35.gif (http://o9o9.net/2)
يارب سامحني ليا مني اخطيت

................... منك العفو يارب منك السماحي

أنت الذي عفوك دمح زلة الميت

.................وشلون عاد الي مع الناس صاحي

أنا ادري اني بالمعاصي تماديت

.............. أتبع هوى نفسي مساي وصباحي

ويوم انها ثقلت عليه ومليت

............... واطلقت من دنيا المهونه سراحي

جيتك رضا واخلاص طاعه وصليت

................ مجيب دعوة من دعا للفلاحي

دعيتك بكل الجوارح وهليت

................بالخاطر الي مرني واستراحي

في وسط صندوق الحشا واستعديت

.............. له في حدود المستحب والمباحي

عدى لي اطياف السعاده وصديت

.................مابيه ينظرني ليا الدمع ساحي

واخذ يذكرني بربي وحسيت

...............باحساس روحاني وزود انشراحي

واقبل يذكرني عقابه وذليت

..................... منه وتملكني جزع وانطراحي

بين اليدين الي حوتني وعاديت

....................... دنيا الغرور ام الشقا والكفاحي

مالي ملاذ الا انت يا والي البيت

.......................لا زادت همومي وكثرت جراحي

وسلكت درب الهون عنك وتنحيت

.................... وعسفت نفسي عن دروب الصلاحي

لين احدرت بي للمذله ووليت

......................... وضاقت بوجهي من جميع النواحي


.. دمتمـ سالميـ ..

[النرجس]

أنا ادري اني بالمعاصي تماديت

.............. أتبع هوى نفسي مساي وصباحي

:(


ودمتِ سالمة ياروح

قصيدة جميلة فعلاً..وفقكِ الله

[الاصهب]

صح لسانك...

جداً جميلة وفي قمة الروعة... هذا القصيد و الا بلاش.

معليش من قايل القصيدة؟

[ابوشدق]

تسلمين على هالنقل الرائع

وماقصرتي

وصح لسان القائل وعز الله انه قصيده طيبه

[المُهرة]

ومن غيره نرجوا ؟!
بارك الله فيك يالغلا
والله يجزاك بالجنة على طيب نقلك

:)

[كاتم الونة]

الله الله الله

صح لسااااااانك وسلم بنانك يالطيبة

روعة بروعتك

وافر التحايا

[مـعـاتـبــ]

صح لسان الشاعر

وصح لسانك رووح

عزالله انه قصيدة روعه

[روحـ الكتمانـ]

مشكورين على مروركم العطر

الله لايحرمنا منكم

[اخو الاصهب]

صح السان الشاعر الله يعطيك العافيه ياروح

[روحـ الكتمانـ]

مشكورين على مروركم العطر

الله لايحرمنا منكم